Orri í leik með Þór fyrr á árinu.
Reynsluboltinn Orri Freyr Hjaltalín er fluttur á ný til Grindavíkur og hefur gert samning við félagið.
Orri Freyr lék með Grindavík á árunum 2004-2011 en hann verður í þjálfarateymi liðsins á komandi tímabili og einnig til taks sem leikmaður.
Í sumar spilaði Orri tuttugu leiki í Inkasso-deildinni með uppeldisfélagi sínu Þór en hann hefur á ferlinum skorað 66 mörk í 350 deildar og bikarleikjum.
Í gær var tilkynnt að Jóhann Helgi Hannesson hefði samið við Grindavík en liðið hafnaði í fimmta sæti sem nýliði í Pepsi-deildinni á liðnu tímabili.
Óli Stefán Flóventsson heldur áfram sem þjálfari Grindavíkur en aðstoðarmaður hans er Milan Stefán Jankovic. Orri bætist nú í þjálfarateymið.
Ef Orri Freyr Hjaltalín spilar með Grindavík í Pepsi næsta sumar er hann að taka öfugan tröppugang miðað við flesta eldri leikmenn
— Magnús Már Einarsson (@maggimar) November 20, 2017
2015: 3. deild
2016: 2. deild
2017: Inkasso
2018. Pepsi#afi
Orri í leik með Grindavík 2011.
Athugasemdir
