„ Skagaliðið liggur á okkur síðustu 25 mínúturnar og við föllum alltof langt til baka,“ sagði Jóhannes Karl Sigursteinson eftir taugatrekkjandi 2-1 sigur á ÍA í dag.
„Við byrjum seinni hálfleikinn að mér finnst ágætlega, fáum dauðafæri, það gengur ekki. Þá nátturulega eftir því sem líður nær lokum gerst þetta. Svo þegar við missum markmanninn útaf kemur meira stress í liðið,“ sagði hann um hversu langt liðið féll til baka eftir því sem leið á hálfleikinn.
Spurður um ástand Bjarkar sagði hann: „Þetta er höfuðhögg, líklega heilahristingur, hún þarf bara að fá tíma til að jafna sig. “
Athugasemdir