Framarar voru í raun betri aðilinn allan leikinn og það má þakka vörninni fyrir það. Bæði lið voru sterk en Hlynur Örn var magnaður í fyrri hálfleik og svo slökknaði aðeins á Þórsurum í þeim seinni og þá var þetta búið mál.

Helgi Guðjóns var frábær í leiknum og var sífellt í færum, flott þrenna hjá honum og það virðist enginn ætla stöðva manninn sem er markahæstur í deildinni.

Þriðja markið hans Helga var skemmtilegt móment en það var í rauninni annað markið hans sem gerði út af við leikinn. Þórsarar voru ekki þeir sömu eftir það mark og sáu varla til sólar eftir það.

Atvikið hlýtur samt að vera þegar dómarinn hljóp að varamannabekk Þórsara og gaf Nacho rautt spjald. Hann sparkaði einnig í brúsastand Framara á leiðinni í klefann, það hlýtur að gera illt verra.

Fram og Þór eru núna jöfn að stigum, bæði með 33 en Framarar sitja í 4. sætinu á markatölu. Hvorugt lið er í toppbaráttunni en sitja samt sem áður á mjög góðum stað í deildinni og munu keppa um 4. sætið í seinustu umferðinni.

Helgi er orðinn markahæsti maður deildarinnar og mun reyna að halda sér þar.

Leiðinlegur dagur fyrir Þórsara sem hafa núna tapað þremur leikjum í röð með -11 í markatölu í þeim leikjum. Fram tók 4. sætið af þeim og Víkingur Ó. er að nálgast með 31 stig.

Nacho missir af seinasta leiknum og spurning hvort hann fær lengra bann, óþarfi að næla sér í rautt spjald á bekknum á seinustu mínútu leiksins.

Hef alls ekkert til að setja út á Þorvald eftir þennan leik. Hann dæmdi rétt í vítinu og fór algjörlega eftir bókinni í leiknum, lét engann komast upp með kjaftæði og stöðvaði rifrildi á milli leikmanna á fagmannlegann hátt, ræddi bara við þá og lét þá hætta öllu bulli án þess að æsa menn upp meira. Lét Nacho ekki komast upp með eitthvern kjaft frá bekknum og passaði einnig að menn færu út af vellinum á næsta stað í skiptingum. Nýja reglan er þannig að ekki á að labba að miðju vallarins heldur fara út á næsta stað en ég hef oft séð það í sumar að leikmenn fara framhjá því til að tefja. Þorvaldur lét það ekki gerast.