SKÝRSLAN: Rok og rigning í Mosfellsbæ
Hvað réði úrslitum?
Afturelding nýtti ekki sín færi í fyrri hálfleik og það réði úrslitum. Vindurinn var það öflugur í seinni að heimamenn áttu erfitt með að tengja saman sendingar og skapa sér færi. Víkingar eflaust mjög ánægðir með sigurinn þar sem þeir sköpuðu lítið sem ekkert í leiknum.
Bestu leikmenn
1. Harley Willard
Skoraði eina mark leiksins og sökum þess hve lítill fótbolti var í raun og veru spilaður fær hann heiðurinn að þessu sinni.
2. Róbert Orri Þorkelsson
Þessu efnilegi miðjumaður var bestur í liði heimamanna í dag. Góður á boltann og fór flest allt gott í gegnum hann á miðjunni. Var einnig skapandi í fyrri hálfleik.
Atvikið
Mark Víkings kom með langskoti. Spurning hvort það var hendi í aðdraganda marksins en ekkert dæmt. Martinez hefði eflaust viljað gera betur í marki Aftureldingar.
Hvað þýða úrslitin?
Víkingur Ólafsvík sigla áfram lygnan sjó um miðja deild en Mosfellinga bíður úrslitaleikur í næstu umferð um hvort þeir haldi sæti sínu í deildinni.
Vondur dagur
Ingó Veðurguð átti afar slæman dag.
Dómarinn - 8
Guðmundur Ársæll var flottur í dag.