Maður lifandi, fótbolti er besta íþrótt í heimi. HK tekur þrjú stig gegn Breiðabliki eftir ótrúlegar senur. Ég er eiginlega orðlaus.

Þetta er líklega ótrúlegasti fótboltaleikur sem ég hef séð.

Nú fer hver að verða síðastur að koma inn sigurmarki. Fáum við meira drama?

Þetta er einhver skemmtilegasti fótboltaleikur sem ég hef séð. Magnaður leikur!

Gísli með skottilraun af löngu færi rétt yfir markið.

HK fær hornspyrnu!

HK-ingar í leit að jöfnunarmarki. Atli Hrafn með boltann fyrir en Blikar koma honum frá.

Blikar sneru þessu við á einhverjum fimm mínútum sirka. Þvílíkur leikur, þvílík deild!

Besta deildin, þvílík skemmtun!

Stefán Ingi fellur í teignum og vítaspyrna dæmd. Hárréttur dómur sýnist mér, en ég verð að sjá þetta betur síðar í kvöld. Ívar Orri hugsaði sig um en benti svo á punktinn. Mér sýndist það vera Eiður Atli sem braut af sér. Ótrúleg orka í Blikum og gestirnir ráða ekkert við það.

Aziz þræðir Örvar á bak við vörnina og HK vinnur hornspyrnu. Örvar dettur svo um LED-auglýsingaskilti og skemmir það í leiðinni. Sem betur fer er allt í lagi með Örvar. Það kemur svo ekkert úr hornspyrnunni.

Ívar Örn með lúmskt skot að marki úr aukaspyrnu en Anton var vel á tánum.

Loksins ná Blikar að spila sig í gegnum vörn HK. Hreyfa boltann hratt og vel. Síðasta sendingin út á Jason er hins vegar ekki góð og fyrirgjöf hans endar í höndunum á Arnari. Þetta hefðu Blikar átt að nýta betur.

Það verður að gefa gestunum mikið hrós fyrir það hvernig þeir eru að verjast. Blikar hafa ekki náð að búa til mikla pressu að marki HK.

Anton Logi reynir bakfallsspyrnu í teignum en nær engum krafti í skotið.

Jason Daði með skot að marki úr þröngu færi sem Arnar Freyr á ekki í vandræðum með að verja.

Sagt að það séu 1389 áhorfendur á leiknum, en ég hef á tilfinningunni að það séu fleiri hérna.

HK-ingar fá hverja skyndisóknina á fætur annarri. Núna átti Örvar fast skot sem Anton Ari handsamaði annarri tilraun.

Viktor Karl tapar boltanum á miðsvæðinu og HK geysist upp í skyndisókn. Hassan fær boltann og er í ágætis færi en Anton Ari ver skot hans í horn. HK-ingar líklegri til að bæta við þriðja markinu eins og þetta er að spilast núna.

Það er deyfð yfir Blikum, þeir eru ekki að finna neinar lausnir í opnu spili þessa stundina.

Upp úr innkasti fær Atli Hrafn ágætis skotfæri fyrir utan teig. Hann lætur vaða en boltinn fer rétt fram hjá markinu.

Blikar í miklu hnoði er þeir reyna að skapa færi. Aziz kemur boltanum að lokum í burtu.

Ívar Örn með aukaspyrnu af kantinum sem skapar mikla hættu. Endaði næstum því í markinu.

Damir á skalla að marki en Ahmad er réttur maður á réttum stað og bjargar á línu!!

Höskuldur fær boltann inn á teignum og er í hættulegri stöðu en Ívar nær sparka boltanum aftur fyrir endamörk. Hornspyrna.

Engar breytingar í hálfleik. Áhugavert.

Það er kominn hálfleikur hér í Kópavogi. Ótrúleg staða. Óskar Hrafn þarf heldur betur að fara vel yfir málin í hálfleik. Ég býst við skiptingum áður en seinni hálfleikur hefst. Blikar eru með mjög öfluga menn á bekknum.

Andri Rafn keyrir upp að teignum og á fínustu skottilraun sem Arnar Freyr þarf að hafa sig allan við að verja. Það besta sem Blikar hafa gert í langan tíma.

Höskuldur með hornspyrnu sem fer á fjærstöngina en Anton Logi nær ekki til boltans.

Það styttist í hálfleiksflautið. Blikar þurfa að fara vel yfir málin í leikhléinu. Fá hér hornspyrnu áður en 45 mínútur koma á klukkuna.

Aziz með flott skot og Anton Ari slær hann beint út í teig, en HK-ingar ná ekki að henda sér á frákastið. Þetta var hættulegt!

Örvar, sem er búinn að vera ansi líflegur, að sleppa í gegn og er tekinn niður! Ekki inn í teig að mati Ívars en tæpt var það. Núna fær HK aukaspyrnu á stórhættulegum stað.

Ágúst Hlyns tekur spyrnuna og hún er HÖRMULEG! Lengst yfir markið. Ágúst búinn að eiga ansi erfiðan hálfleik og það kæmi ekki á óvart ef honum verður kippt út af í hálfleik.

Blikar fá aukaspyrnu á stórhættulegum stað. HK-ingar ekki sáttir með þennan dóm en ég held að hann hafi verið hárréttur. Tækifæri fyrir Blika til að minnka muninn, þetta er gott skotfæri.

HK hefur verið að gera vel í að verjast sóknaraðgerðum Breiðabliks. Hljótum að fá Jason Daða og Stefán Inga í hálfleik.

Damnir með einn langan sem var ætlaður Viktori en aðeins of fastur.

Breiðablik vann fyrstu átta deildarleiki sína á síðasta tímabili. Ef HK myndi vinna eða taka stig hérna, þá væru það ótrúleg úrslit.

Ágúst á miklum spretti og tekur svo fyrirgjöf sem fer beint á Arnar Freyr.

Hver hefði búist við því að HK yrði 0-2 yfir í þessum leik?

Manni finnst Blikar vera að vakna til lífsins.

Patrik í algjöru dauðafæri en skallar fram hjá markinu. Stuðningsmenn Breiðabliks byrjaðir að fagna í stúkunni! Patrik farið illa með tvö mjög fín færi.

Höskuldur með fínan bolta inn á markteig en Arnar Freyr kýlir frá.

Alexander staðinn upp og Höskuldur skokkar út að hornfána til að spyrna fyrir.

Alexander Helgi með fyrirgjöf en Birkir Valur setur hann aftur fyrir. Alexander liggur eftir og virðist þjáður.

I have missed @hkkopavogur in the Besta. So much spirit in that team - made for derbies like these.

— Lucas Arnold (@FotboltiLucas) April 10, 2023

Stuðningsmenn HK láta vel í sér heyra, eru í miklu stuði!

Höskuldur með fasta fyrirgjöf en Birkir Valur er fyrstur í boltann. Birkir bjargar því svo að boltinn fari aftur fyrir og setur hann í innkast.

Arnþór Ari ákveðinn og vinnur boltann af Gísla á miðsvæðinu. Sending fyrir en Damir leysir vel úr þessu. Þarna var HK í ágætis stöðu til að búa til mjög gott færi en það gekk ekki.

Blikar virðast ekki alveg tilbúnir hérna. Ég veit ekki hvað skal segja, ótrúlegar fyrstu tíu mínútur.

Ágúst með góða sendingu fyrir á Patrik sem á skalla í stöngina. Blikar næstum því búnir að minnka muninn.

Breiðablik er að stilla upp alveg eins og myndinni hér fyrir neðan, nema það að Anton Logi er djúpur á miðju en ekki Alexander. Hjá HK er Atli Hrafn fremstur og Örvar úti á vinstri kanti. Atli Hrafn er fremstur hjá HK.

Þetta er heldur betur óvænt. Hvernig svara Íslandsmeistararnir þessu?

Alvöru veisluleikur framundan #fotboltinet

Bein textalýsing: https://t.co/wHmne16G8M pic.twitter.com/evQaHAkSNj

— Guðmundur Ásgeirsson (@gummi_aa) April 10, 2023

"Íslandsmeistarar, Íslandsmeistarar," syngja stuðningsmenn Breiðabliks áður en leikmenn ganga út á völl.

Það styttist í að flautað verði til leiks. Það er ansi vel mætt í stúkuna og ég býst við mjög góðri stemningu.

Ívar Orri Kristjánsson er með flautuna í Kópavoginum í kvöld. Verður eflaust ekki auðveldur leikur að dæma.

Sem betur fer hófst Besta deildin í dag en ekki í gær. Veðrið er búið að vera frábært í dag og það verður spilað við kjöraðstæður í síðasta leik dagsins.

Þá er maður mættur á Kópavogssvöll. Það er góð stemning og gott veður. Herra Hnetusmjör er auðvitað í hátalarakerfinu.

Búið er að opinbera byrjunarliðin fyrir leikinn. Blikar eru með mikla breidd og gríðarleg samkeppni um að komast í hópinn. Óskar Hrafn Þorvaldsson, þjálfari Blika, var greinilega sáttur með lið sitt í síðasta leik gegn Víkingum í Meistarakeppni KSÍ og byrjar með sama lið í fyrsta deildarleiknum. Það eru hins vegar breytingar á varamannabekknum og eru þrír af nýjum leikmönnum félagsins ekki í hóp; Alex Freyr Elísson, Klæmint Olsen og Oliver Stefánsson. Hjá HK byrjar Marciano Aziz og verður fróðlegt að fylgjast með honum í leiknum. Ahmad Faqa, nýr miðvörður liðsins, byrjar á bekknum. Klæmint Olsen.

Orri Steinn Óskarsson, sóknarmaður SönderjyskE í Danmörku, spáir í leiki fyrstu umferðar í Bestu deildinni. Breiðablik 3 - 0 HK Jújú maður er kannski ekki alveg hlutlaus hérna, og þótt að Ómar sé gamall íþróttakennari úr grunnskóla, held ég að Blikarnir taki þetta nokkuð öruggt 3-0. Höskuldur með eitt og Patrik með tvö. Sjáðu spá Orra fyrir 1. umferðina

Brynjar Atli Bragason, markvörður Breiðabliks, byrjaði ungur að árum að vinna í Reykjanesapóteki í Njarðvík. Í kjölfarið hóf hann nám í lyfjafræði og er núna að taka meistaragráðu. Að því námi loknu getur hann kallað sig lyfjafræðing en það býður upp á fjölbreytt störf. Brynjar er nýorðinn 23 ára en á þrátt fyrir það hlut í Reykjanesapóteki á Fitjum, nýju apóteki sem hann stofnaði ásamt samstarfsfólki sínu. Það er nóg að gera hjá honum en í sumar stefnir hann á að verða Íslandsmeistari með Breiðabliki í annað sinn.

https://t.co/wrjVTs57X1

— Blikar.is / Íslandsmeistarar 2022 (@blikar_is) April 7, 2023

Undirritaður hefur á undanförnum vikum tekið viðtöl við leikmenn liðanna tólf sem spila í Bestu deildinni. Hassan Jalloh, leikmaður HK, er skemmtilegur karakter. Lífið hefur ekki alltaf verið auðvelt fyrir Hassan en hann ákvað í fyrra að elta drauminn. Hann fór til Evrópu og ætlaði ekki aftur heim fyrr en hann var búinn að skrifa undir samning um að vera atvinnumaður í fótbolta. Hann kom til Íslands á reynslu og það gekk ekki allt eftir plani, en það samt sem áður fór það vel á endanum. Hassan er með háleit markmið og stefnir á að fylgja í fótspor goðsagna frá Ástralíu.

Byrjaði berfættur í drullunni en eltir núna draum sinn á Íslandi https://t.co/cZ6mKEq84v

— Fótbolti.net (@Fotboltinet) March 27, 2023

Niðurtalningin - Höfðinginn fer yfir stöðuna hjá Íslandsmeisturunum https://t.co/PjIc90WXIT

— Fótbolti.net (@Fotboltinet) April 7, 2023

Niðurtalningin - HK ætlar að fara Framleiðina https://t.co/tmdWofxemZ

— Fótbolti.net (@Fotboltinet) March 27, 2023

Styrkleikar: Það er alltaf mikil samheldni hjá HK, sama hvaða flokkur það er. Eins er alltaf mikil stemning í kringum Ómar og hann á eftir að ná að virkja HK hjartað í leikmönnum í sumar. Heimavöllurinn er styrkur með HK últras snælduóða á pöllunum. Veikleikar: Það er ekki mikil breidd í HK liðinu. Þó að Stefán Ingi og Valgeir Valgeirs hafi ekki spilað nema tæplega helming leikjanna í fyrra þá er missir af þeim. Stefán Ingi endaði markahæstur og það verður spurning hver eigi að skora mörkin. Það mætti líka vera meiri reynsla í liðinu. Þeir líta út fyrir að vera með reynsluminna lið en í fyrra. Bruno Soares er farinn og Ahmad Faga sem á að fylla hans skarð á ekki marga meistaraflokks leiki. Spurningarnar: Þjálfarinn, nær hann að halda stemningunni sem til þarf til þess að halda sætinu? Nær hann að undirbúa liðið nægilega vel til að standa í stóru strákunum? Ná nýju leikmennirnir að fylla skarð þeirra sem þeir hafa misst eins og til dæmis Valgeirs og Stefáns Inga? Hver á að skora? Hvernig mun Aziz pluma sig í Bestu deildinni? Þrír lykilmenn: Markvörðurinn Arnar Freyr Ólafsson stóð vaktina í marki HK í efstu deild síðast og gerir það áfram. Hann er með reynsluna og þarf að eiga gott sumar. Atli Arnarson er öflugur miðjumaður sem getur komið að mörkum og fyrirliðinn Leifur Andri Leifsson er hjartað í liðinu. Leifur Andri Leifsson. Leikmaður sem á að fylgjast með: Marciano Aziz. Hæfileikaríkur leikmaður sem var stórkostlegur með Aftureldingu seinni hluta síðasta tímabils í Lengjudeildinni. Það verður fróðlegt að fylgjast með honum í deild þeirra bestu. Marciano Aziz.

Styrkleikar: Óskar Hrafn er þeirra helsti styrkleiki. Ótrúlegur leiðtogi sem nær því besta út úr sínu þjálfarateymi og sínum leikmönnum. Hann er nánast eins og forstöðumaður í sértrúarsöfnuði í Kópavoginum, allir í og í kringum liðið elta Óskar og hans orð í einu og öllu sem skilaði frábærum árangri í fyrra og mun halda áfram að skila árangri. Veikleikar: Mögulega er það veikleiki hversu stór hópurinn þeirra er. Það gæti þýtt að það næst ekki stöðugleiki í liðið og það tekur þá lengri tíma að finna sitt byrjunarlið. Blikar eiga það líka til að vera ekki í nógu og góðu jafnvægi þegar þeir sækja og gefa þannig andstæðingum færi á skyndisóknum. Spurningarnar: Óskar er klókur í að finna leikmenn sem hafa ekki verið að ná sínu besta fram og hefur náð því besta úr þeim. Því er stærsta spurningin hvaða óvænti leikmaður springur út hjá þeim í sumar? Þrír lykilmenn: Damir Muminovic er enn allra besti hafsent deildarinnar og sterkur leiðtogi. Gísli Eyjólfs hatar að tapa og er tilbúinn að gera allt til að vinna, þess fyrir utan er hann frábær alhliða miðjumaður. Höskuldur Gunnlaugsson getur brugðið sér í allra kvikinda líki. Stendur alltaf sína plikt hvar sem hann er látinn spila og er frábær fyrirmynd. Damir Muminovic. Leikmaður sem á að fylgjast með: Stefán Ingi Sigurðarson er sá leikmaður í deildinni sem ég er hvað spenntastur fyrir í sumar. Ég sá mikið af honum í fyrra þegar hann var í HK og heillaðist mjög. Hann er stór, sterkur, þokkalega fljótur, með góðan fót og flottar staðsetningar. Hann er líka duglegur í varnarleik sem gerir hann nánast að fullkomnum framherja fyrir leikstíl Breiðabliks. Stefán Ingi Sigurðarson.

Komnir Ahmad Faqa frá AIK Atli Hrafn Andrason frá ÍBV Atli Þór Jónasson frá Hamri Brynjar Snær Pálsson frá ÍA Marciano Aziz frá Aftureldingu Farnir Ásgeir Marteinsson í Aftureldingu Bjarni Gunnarsson í Fjölni Bjarni Páll Linnet Runólfsson í Aftureldingu Bruno Soares til Þýskalands Ólafur Örn Eyjólfsson í Þrótt V. Stefán Ingi Sigurðarson í Breiðablik (var á láni) Marciano Aziz.

Komnir Alex Freyr Elísson frá Fram Alexander Helgi Sigurðarson frá Svíþjóð Arnór Sveinn Aðalsteinsson frá KR Ágúst Eðvald Hlynsson frá Horsens (var á láni hjá Val) Ágúst Orri Þorsteinsson frá Malmö Eyþór Aron Wöhler frá ÍA Klæmint Olsen á láni frá NSÍ Runavík Oliver Stefánsson frá Norrköping (var á láni hjá ÍA) Patrik Johannesen frá Keflavík Stefán Ingi Sigurðarson frá HK (var á láni) Farnir Dagur Dan Þórhallsson til Orlando Elfar Freyr Helgason í Val Ísak Snær Þorvaldsson til Rosenborg Mikkel Qvist Pétur Theódór Árnáson á láni til Gróttu Sölvi Snær Guðbjargarson í frí Omar Sowe til Leiknis (var á láni frá NY Red Bulls) Adam Örn Arnarson í Fram (var á láni hjá Leikni) Benedikt Warén í Vestra (var á láni hjá ÍA) Patrik Johannesen.

Komiði sælir kæru lesendur og verið velkomnir í beina textalýsingu frá síðasta leik fyrstu umferðar í Bestu deild karla. Í þessum leik mætast Breiðablik og HK í baráttunni um Kópavog. Þetta verður mjög svo fróðlegur leikur. Breiðabliki er spáð Íslandsmeistaratitlinum á meðan HK er spáð neðsta sæti deildarinnar. Beinar textalýsingar 14:00 Fylkir - Keflavík 14:00 KA - KR 18:30 Valur - ÍBV 19:15 Stjarnan - Víkingur 19:15 Fram - FH 20:00 Breiðablik - HK Spáin: 1. Breiðablik, 140 stig 2. Valur, 131 stig 3. Víkingur, 124 stig 4. KA, 106 stig 5. KR, 91 stig 6. Stjarnan, 84 stig 7. FH, 72 stig 8. ÍBV, 66 stig 9. Fram, 47 stig 10. Keflavík, 32 stig 11. Fylkir, 26 stig 12. HK, 17 stig