SKÝRSLAN: Ægismenn með sinn fyrsta heimasigur í sumar
Hvað réði úrslitum?
Þótt að Arnar hafi sagt að það vantaði ekki baráttuna hjá Njarðvík í dag ætla ég að vera ósammála honum. Markið sem réði úrslitum snéri einungis um baráttu og flest færin sem bæði lið fengu komu út úr einhverju klafsi.
Bestu leikmenn
1. Hrovje Tokic
Það kom kannski ekki mjög mikið framlag frá honum varnarlega en vandræðin sem hann var að valda í varnarlínu Njarðvíkur var gígantískur. Skil ekki afhverju Marc McAusland spilaði ekki í dag til þess að vera á bæði Tokic og Rolin. Arnar sagði líka að leikurinn hefði líka tapast ef Marc hefði verið inn á. Ég er mjög ósammála því.
2. Baldvin Þór Berndsen
Verð að gefa einhverjum í varnarlínu Ægismanna þetta. Þeir stóðu sig ekkert eðlilega vel og gáfu fá færi á sig og sáu til þess að Ivaylo Yanachkov, markmaður Ægis, fékk fá skot á sig. Baldvin var líka bara geggjaður og bjargaði Ægi mjög oft. Sérstaklega þegar hann fórnaði hausnum fyrir skot Luqman í lokin.
Atvikið
Uppáhalds atvikið mitt í leiknum var þegar Pétur upplýsti stuðningsfólki Ægis um uppbótartímann sem má nánar lesa í hér í dálknum til hægri um dómarann. En atvik leiksins er 100% mark Tokic. Hann stóð eins og klettur við markteiginn og fékk einn geggjaðan bolta frá Sladjan beint á pönnuna og inn fór boltinn að sjálfsögðu.
Hvað þýða úrslitin?
Bæði lið eru ennþá í fallsæti en Ægismenn eru núna einungis einu stigi frá Njarðvík. Þessi úrslit þýða sem mest af öllu að það er kominn töluverð pressa á Arnar, þjálfara Njarðvíkur. Þetta er ekki boðlegt og ég hef trú á því að Njarðvíkingum er ekki skemmt yfir þessu gengi.
Vondur dagur
Arnar Hallson, þjálfari Njarðvíkur. Held að fáir séu í heitara sæti en Arnar af öllum þjálfurum á Íslandi eftir úrslit dagsins og ekki var frammistaðan betri að mínu mati. Þetta hefur verið andlaust og þreytt undanfarið hjá Njarðvík og það hefur allt of mikið gengið á utan vallar í kringum Arnar.
Dómarinn - 10
Já ég meina einn besti dómari landsins sem dæmdi þennan leik bara fullkomnlega. Ekkert út á hann að setja og bara geggjaður leikur hjá dómarateyminu í dag. Uppáhalds atvikið mitt í leiknum var þegar stuðningsmenn Ægis öskruðu á dómarann hver tíminn væri þegar 90 mínútur voru komnar á klukkuna. En þá gaf Pétur þeim skilaboð, með því að sýna á sér puttana, að það væru fimm minútur í uppbótartíma.