SKÝRSLAN: Leiknissigur í fjörugum leik
Hvað réði úrslitum?
Leiknisliðið var ekki betri aðilinn í leiknum en þeir voru betri fyrir framan markið. Varamennirnir hjá Leikni komu líka inn með mikið framlag.
Bestu leikmenn
1. Daníel Finns
Flottur í dag. Skoraði tvö mörk. Annað úr víti og hitt beint úr aukaspyrnu.
2. Omar Sowe
Nokkrir sem koma til greina hérna en Omar fær þetta fyrir stoðsendingu og mark.
Atvikið
Aukaspyrnumarkið hjá Danna Finns. Kom Leiknismönnum yfir þegar Selfyssingar höfðu átt mjög góðan kafla
Hvað þýða úrslitin?
Leiknismenn komast upp í sjötta sætið með sigrinum en Selfyssingar eru áfram í 10.sæti og í bullandi fallbaráttu.
Vondur dagur
Selfyssingar geta nagað sig í handabökin að hafa tapað þessum leik. Heilt yfir betri en fóru oft rosalega illa að ráði sínu.
Dómarinn - 7
Helgi Mikael var fínn í dag. Held að flestar stóru ákvarðanirnar hafi verið spot on.