SKÝRSLAN: Slagsmál á Vivaldi-vellinum
Hvað réði úrslitum?
Gamla góða klisjan, Grótta einfaldlega nýtti færin betur. Að mínu mati fannst mér þetta nokkuð jafn leikur, Grótta fengu góð færi og Grindavík líka. Mjög skemmtilegur fótboltaleikur
Bestu leikmenn
1. Tómas Jóhannessen
Einn af mínum uppáhalds leikmönnum á Íslandi í dag. Skoraði fyrsta mark leiksins úr vítapsyrnu og hann bjó til heilan helling fyrir sína menn og var að fara framhjá mönnum ítrekað í leiknum
2. Rafal Stefán Daníelsson
Virkilega flottur í markinu, Grótta hélt hreinu og var slatti að gera hjá Rafal, var að koma vel út úr teignum og varði allt sem á markið kom. Freyr Jónsson leikmaður Grindavíkur fær shoutout frá mér líka en hann var geggjaður í liði gestanna.
Atvikið
Rosalegt, þetta gerðist utan vallar. Eftir viðtal mitt við Helga Sigurðsson fæ ég að heyra að leikmaður Grindavíkur hafi beðið eftir leikmanni Gróttu við klefa liðana eftir leik, tekið hann hálstaki og ýtt honum upp við vegg og eftir það byrjuðu slagsmál. Vægast sagt athyglisvert mál.
Hvað þýða úrslitin?
Grindavík hafa einungis unnið einn leik í síðustu átta og sitja því í 5.sæti deildarinnar meðan að Grótta fóru yfir Grindavík í töflunni og eru komnir í 4.sæti með þessum flotta sigri.
Vondur dagur
Fjölmiðlaaðstaða Gróttu í dag fær mjög vondan dag. Sem betur fer var bein útsending á YouTube þar með maður gat aðeins séð hvað var að gerast í leiknum. Edi Horvat fær líka shout frá mér en það er með hreinum ólíkindum að hann skoraði ekki í dag, klúðraði tveimur dauðafærum.
Dómarinn - N/A
Fjölmiðlaaðstaða fréttamanns bara gerði mér ekki kleift að sjá nægilega mikið af leiknum til að gefa dómara leiksins einkunn. Vítaspyrnudómurinn í byrjun leiks var allavega réttur.