Þetta endar með jafntefli hér á Laugardalsvelli. Svekkjandi jafntefli miðað við yfirburði í seinni.

Manni finnst við vera svo nálægt því að stela þessu en vantar bara örlítið uppá.

Ísland sækir hratt og kemur boltanum út á Jón Dag sem er einn á einn við varnarmann Wales og nær að komast í skotið en það smellur í stönginni!

Íslenska liðið er líklegra til að stela þessu ef eitthvað er.

Orri Steinn óvænt í hörku færi en skotið framhjá! Smá misskilningur hjá Wales sem við því miður náðum ekki að nýta okkur.

Því miður fær Logi ekki seinna markið. pic.twitter.com/A53Q9H7TBg

— Hörður S Jónsson (@hoddi23) October 11, 2024

Jón Dagur gerir virkilega vel og keyrir inn á teig, sendir boltann út á Mikael Egil sem er í skotfæri en framlengir á Orra Stein sem á skot sem fer af varnarmanni og aftur fyrir.

Luigi! ???? pic.twitter.com/Mwj84OHnwO

— Gunnar Ormslev (@GunnarOrmslev) October 11, 2024

Held að Logi byrji á mánudaginn

— Sæbjörn Steinke (@saebjornth) October 11, 2024

Luigi að púlla upp í seinni!! pic.twitter.com/RVRm3UnAWC

— damir muminovic (@damirmuminovic) October 11, 2024

Jói Berg með hörku skot í D-boganum sem Danny Ward ver fáránlega vel!

Jói Berg með aukaspyrnu fyrir markið og Orri Steinn fellur við í baráttunni á fjærstöng. Við viljum fá eitthvað á þetta en hefði sennilega verið harður dómur.

Andri Lucas í færi en skotið framhjá.

Logi Tómasson með fyrirgjöf og Andri Lucas fellur við í teignum.

Örugglega margir ósammála mér en mér finnst þessi gæi vera dæma þenna leik ógeðslega vel. Krefjandi leikur #fotboltinet

— Magnus Bodvarsson (@MBodvarsson) October 11, 2024

Ollie Cooper með fínt skot fyrir utan teig sem Hákon Rafn slær í horn.

Þetta er mun betra frá Íslandi í seinni hálfleik heldur en í þeim fyrri. Þurfum að koma inn marki.

Orri Steinn með flottan snúning og skot sem Danny Ward tekur! Erum að nálgast fyrsta markið!

Við erum að fá færi en við erum að fara hrikalega illa með þau.

Frábærlega gert hjá Orra Stein sem á frábæra snertingu og kemur Mikael Egil aftur í frábært færi en hann skóflar boltanum yfir úr frábæru færi! Mikael Egill fengið tvö frábær færi á stuttum kafla sem hann hefur farið herfilega með.

Jón Dagur með aukaspyrnu fyrir markið sem Íslenska liðið nær ekki að gera sér mat úr og boltinn fer aftur fyrir.

Orri Steinn gerði þetta frábærlega að hrista af sér varnarmenn Wales og lætur svo vaða og boltinn smellur í slánni! Þetta er betra frá Íslandi!

Frábært spil hjá Íslenska liðinu sem opnar vörn Wales og Mikael Egill í frábæru færi en skotið er framhjá!

Mikael Egill og Logi hita upp eins og þeir séu að koma inn. Stórt tækifæri fyrir Mikael til að sýna hvað í honum býr!

— Sæbjörn Steinke (@saebjornth) October 11, 2024

Wales sparka þessu af stað aftur.

Wales varla farið í sókn og með 2,39 í xg þetta er hræðilegt. Fá dauðafæri alltaf þegar þeir komast nálægt vítateignum

— Magnus Bodvarsson (@MBodvarsson) October 11, 2024

Getur einhver sagt mér hvað leikplanið er? Því ekki sé ég það? Hvorki hápressa lágpressa. #fotboltinet

— Dalmar Ragnarsson (@DalmarBluenose) October 11, 2024

Það eru gestirnir sem leiða hérna í hálfleik. Hefur ekki verið sannfærandi frammistaða hjá Íslenska liðinu og við vonumst eftir að fá gott svar frá Íslenska liðinu í síðari hálfleik.

1 mínúta í uppbót.

Orri Steinn með skot af smá færi sem fer framhjá.

Frábær stungusending frá Wales á Sorba Thomas en Hákon Rafn lokar vel á hann. Við erum í vereni með þessa bolta frá þeim.

Jói Berg tekur spyrnuna en hún dettur ofan á markið.

Ísland fær aukaspyrnu á frábærum stað rétt fyrir utan teig.

Frábær sókn hjá Íslandi sem kemur boltanum á Jón Dag og hann finnur Kolbein Finnson sem kemur boltanum út á Andra Lucas og hann nær skoti sem Wales bjarga á línu!

Íslenska liðið fer upp í skyndisókn og vinnur horn.

Wales að ógna en Sverrir Ingi skallar þetta burt.

Harry Wilson með skot sem fer af varnarmanni og í stöngina! Hákon Rafn var lagður af stað í hitt hornið en blessunarlega fór þessi bara í stöngina!

Jón Dagur með flotta rispu og er svo rifinn niður af Harry Wilson. Dómarinn ætlar ekkert að dæma en stöðvar leikinn svo útaf höfuðáverkum. Droppar svo bara boltanum hjá Íslenska liðinu... Þetta var stórfurðuleg ákvörðun að í fyrsta lagi ekki dæma neitt á þetta.

Stefán Teitur reynir fyrirgjöf en hún fer yfir allan pakkann.

Aðeins hægst á þessu eftir að Wales komst yfir.

Andri Lucas með frábæra fyrstu snertingu og er að komast í frábæra stöðu en nær ekki að finna samherja inn á teig!

Stuðningsmenn Wales skemmtilegir hérna í stúkunni. Mikið líf og fjör hjá þeim.

Jón Dagur reynir fyrigjöf en Wales kemur þessu í horn.

Þetta er okkar staður, þetta er okkar stund! ÁFRAM ÍSLAND!

Þeir þekkjast vel, Jóhann Berg og Craig Bellamy. Þeir voru saman hjá Burnley en Bellamy var þar aðstoðarstjóri Vincent Kompany áður en hann tók við Wales. „Hann er frábær þjálfari og stórkostleg manneskja. Við áttum góðar stundir saman," sagði Jóhann Berg á fréttamannafundi í gær. „Það er erfitt í landsleikjaboltanum því þú færð ekki mikinn tíma með liðinu til að koma leikstíl þínum inn. Ég veit alveg hvernig hann vill spila. Við höfum skoðað klippur af því sem hann vill gera. Á morgun snýst þetta um okkur, hvernig við getum lokað á þá. Hann vill spila góðan fótbolta og það sást hjá Burnley, sérstaklega á fyrra tímabilinu." „Bellamy er mjög ástríðufullur. Hann var náinn okkur leikmönnunum. Hann er mögnuð manneskja og hjálpaði okkur mikið. Hann reyndi alltaf að hjálpa okkur. Hann var líka sterkur á æfingasvæðinu og sérstaklega góður með framherjana þar sem hann var frábær sóknarmaður. Ég get sagt margt jákvætt um hann. Það var frábært að vinna með honum í tvö ár," sagði Jói Berg.

Þetta er fyrsti leikur liðanna í tíu ár en síðasti leikurinn var æfingaleikur í mars 2014. Sá leikur endaði 3-1 en Gareth Bale fór á kostum. Bale var lengi vel stjarnan í liði Wales og var um tíma einn besti fótboltamaður í heimi. Jóhann Berg Guðmundsson, landsliðsfyrirliði Íslands, spilaði leikinn fyrir tíu árum en hann var spurður út í hann á fréttamannafundi í dag. „Gareth Bale var ótrúlegur. Ég held að varnarmaðurinn hjá okkur hafi reynt að tækla hann og hann hafi hlaupið út af vellinum, en samt náð boltanum. Við töpuðum þeim leik en á morgun bætum við upp fyrir það," sagði Jói Berg. Nú þegar Bale er hættur, þá er Brennan Johnson líklega stærsta stjarna liðsins. Johnson leikur með Tottenham á Englandi en hann hefur verið að spila mjög vel upp á síðkastið. „Hann fékk mikið að heyra það áður en hann fór á skrið. Hann er sterkur karakter. Það er erfitt að spila fyrir stóru liðin og hann fékk mikinn skít, en kom til baka. Það er gott fyrir hann en á morgun reynum við að halda honum mjög rólegum," sagði landsliðsfyrirliðinn íslenski.

Það má búast við að það verði nokkuð þéttsetið á Laugardalsvelli í kvöld, þótt kalt verði. Í gær voru meira en 5000 miðar seldir en Walesverjar munu mæta með læti. Það verða um 1000 manns frá Wales á leiknum og þurfa íslensku áhorfendurnir því að láta vel í sér heyra.

Age Hareide, landsliðsþjálfari Íslands, sagði á fréttamannafundi í gær að það væru allir klárir í slaginn. Þar á meðal Gylfi Þór Sigurðsson sem hefur verið að glíma við bakmeiðsli.

Við á Fótbolta.net höfum rætt við nokkra leikmenn liðsins fyrir þennan leik. Hérna eru tenglar á öll viðtölin:

Það hefur verið stuð og stemning á æfingum liðsins í vikunni. Liðið hefur æft á hybrid-grasinu í Kaplakrika til að hlífa Laugardalsvellinum.

Það er komið að leik Íslands og Wales í Þjóðadeildinni. Flautað verður til leiks á Laugardalsvelli klukkan 18:45 en hér verður bein textalýsing frá leiknum.