Yfirburðarsigur Stjörnumanna hér í kvöld í fjörugum leik Skýrsla og viðtöl seinna í kvöld

Góð sókn hjá Stjörnunni, Haukur Örn fær boltann á vinstri aleinn og sendir flottan bolta á Örvar sem nær ekki almennilega til hans. Þarna hefði minnsta snerting orðið að marki.

Rúnar Már vinnur aukaspyrnu á miðjum velli, tekur sjálfur aukaspyrnuna og sendir flottan bolta inn í teig. Á endanum kemst Marko í boltann og á fast skot sem fer naumlega framhjá.

Góð sókn sem byrjar á hægri vængnum, boltinn berst inn í teig og á Hauk sem á skot sem fer í varnarmann og í horn.

Léleg sending hjá Jóhanni á Sindra sem nær ekki til boltans. Rúnar Már sloppinn í gegn en hefur einhvern veginn enga trú á þessu og skýtur bara beint á Árna. Það er uppgjöf hjá ÍA

Erfið fæðing hjá hinum unga Arnóri sem á klaufalega móttöku og boltinn fer beint á Benedikt Warren sem á skot í stöngina. Stjörnumenn miklu líklegri til að bæta við frekar en hitt

Skagamenn byrjuðu seinni hálfleik af krafti og fengu tvö dauðfæri en tókst ekki að skora. Fá svo þetta sjálfsmark í andlitið og vont versnar. Staðan allt í einu 3-0 fyrir gestunum

Hornspyrna hjá Rúnari sem dettur fyrir fæturnar á Erik sem á skot á rammann en þarna var Örvar Logi vel staðsettur og hreinsar. Þessi var á leiðinni inn

Vá hvað gerðist þarna Skapaði þetta færi sjálfur, brunar upp vinstri gefur svo á Marko sem sendir aftur á hann en skotið hans af 5 metra færi fer framhjá. Þarna átti ÍA að jafna

Stjarnan yfir á Skaganum og sanngjörn forysta sú. Tökum okkar 15

Ómar aftur með flott tilþrif og sendir á Viktor sem er einn rétt fyrir utan teig og hamrar boltanum í slánna. Árni Snær hefði aldrei varið þetta.

Flottur skalli hjá Ómari sem sendir Gísla einan í gegn á móti Árna, en afgreiðslan alveg hræðileg og beint á Árna. Þetta var besta færi leiksins og þarna átti Gísli einfaldlega að skora, það var engin Stjörnumaður nálægt honum

Þetta Stjörnulið berst eins og ljón og gott dæmi um það er þegar Andri Rúnar kemur brunandi úr sókninni til að verjast Jóhannesi Vall sem var með pláss á vinstri kantinum. Andri Rúnar verst vel og heimamenn uppskera en eitt hornið sem ekkert verður úr.

Ómar fer framhjá Gumma á vinstri kantinum og Gummi notar hendurnar og hrindir honum í jörðina. Dómarinn sá þetta vel og ekkert gult, kolröng ákvörðun að mínu mati. Aukaspyrna vissulega dæmd en ekkert spjald, þarna hefði Ómar komist í hættulega stöðu

Flottar hornspyrnur ávallt hjá Johannesi Vall og nákvæmlega á þeim stað sem maður vill sjá þær. En heimamenn ná ekki að notfæra sér þær.

Nú er Þorri kominn í færi og á fast skot sem fer að vísu nokkuð beint á Árna en skotið er það fast að Árni þarf að slá hann yfir markið. Það liggur mark í loftinu hjá gestunum, þeir eru einfaldlega miklu betri þessa stundina

Lang innkast hjá Samúel og boltann fer inn í teig og dettur að mér sýnist fyrir fæturnar á Guðmundi Baldvini en honum tekst ekki að hitta markið og í raun hittir hann boltann illa. Þarna sluppu heimamenn með skrekkinn

Hinum megin finnst manni sóknir ÍA ekki eins líklegar til árangurs. Stjarnan að byrja þennan leik vel

Það sést svo vel á vellinum gæðin sem býr í þessu Stjörnuliði þegar það sækir hratt á ÍA. Svo margir góðir fótboltamenn þarna fremst.

Góð fyrirgjöf frá Alex og Árni í markinu hjá ÍA ætlar að fara upp og grípa boltann en það fór ekki betur en svo að hann lendir á Erik og missir boltann. Strax í kjölfarið á Andri Rúnar dauðafæri en vel gert hjá Árna að ná að verja í stöðunni

Færa boltann á vinstri og fer framhjá Gumma Kri og er á leiðinni inn í teig en Gummi nær að komast í boltann og hreinsa í horn. Fyrsta hornið í leiknum, en kemur ekkert upp úr því.

Leikurinn byrjar vel og bæði liðin ákveðin í að sækja og skora. Þarna missti Guðmundur B boltann á hættulegum stað en skotið hjá Gísla rétt fyrir utan teig laust og beint á Árna.

Warren með skallasendingu á Andra Rúnar sem tekur hann viðstöðulaust rétt fyrir utan teig, en boltinn hátt yfir.

Heimamenn byrja með boltann og stemningin er rafmögnuð á vellinum. Skaginn hugsar um sína.

Það vekur athygli að bekkurinn hjá Skagamönnum er 18 ára að meðaltali, það er svona með því yngsta sem þekkist. Ef Rúnar væri á bekknum þá myndi meðalaldurinn hækka talsvert

Stjörnumenn hafa verið á miklu flugi upp á síðkastið meðan allt hefur verið í rugli á skaganum og þeir mígleka og sé það ekki breytast strax, yfir 2 mörk Stjarnan á Epic er 2.20.

Það er geggjað veður hér á Skaganum í kvöld. Um það bil 15 stiga hiti, hægur vindur og skýjað. Og ég verð að segja það að grasið lýtur hrikalega vel út, alveg í toppstandi annað en liðið sem spilar á því.

Göngin lokuð tímabundið einnig að mér skilst mér sem er ekki til að bæta ástandið. Búið að opna aftur samt skilst mér. En ég get staðfest það að Stjarnan er mætt á völlinn þannig að leikurinn verður spilaður.

Það var verið að tilkynna það á vellinum nú rétt í þessu að leiknum hefur verið seinkað um 15 mínútur af óviðráðanlegum ástæðum. Leikurinn byrjar 19.30 en ekki 19.15. Svo get ég upplýst ykkur af hverju leiknum hefur verið seinkað og það vegna umferðartafa úr Reykjavík. Vegaframkvæmdir í gangi og bara ein agrein opin frá Grafarvoginum og upp í Mosó. Mér var að berast fregnir að það taki allt að 45 mínútur að aka þennan stutta kafla

Deano gerir tvær breytingar á liðinu sem steinlá 4-1 gegn Aftureldingu í síðustu umferð. Oliver Stefánsson er í banni og Haukur Andri Haraldsson sest á bekkinn. Baldvin Þór Berndsen og Ísak Máni Guðjónsson koma inn í liðið. Hlynur Sævar Jónsson tekur einnig út leikbann. Stjarnan lék síðast í Mjókurbikarnum þar sem liðið vann Keflavík í 8-liða úrslitum. Emil Atlason og Örvar Logi Örvarsson fá sér sæti á bekknum frá þeim leik. Guðmundur Kristjánsson og Andri Rúnar Bjarnason koma inn í liðið.

Fótbolti.net fékk Andreu Rut Bjarnadóttur úr toppliði Breiðabliks til þess að spá fyrir um 12. umferð Bestu deildar karla. Hennar spá gerir ráð fyrir jafntefli á Skaganum í kvöld. Eflaust yrðu það vonbrigði fyrir bæði liðin sem vilja sækja stigin þrjú

Dómarar hér í kvöld eru: Gunnar Freyr Róbertsson Dómari Kristján Már Ólafs Aðstoðardómari 1 Eysteinn Hrafnkelsson Aðstoðardómari 2 Kristinn Jakobsson Eftirlitsmaður Helgi Mikael Jónasson Varadómari Vonandi tekst Gunnari að halda tökum á leiknum og hann mun eflaust þurfa aðstoð gula spjaldsins til þess.

Þessi lið mættust í 2. umferð Bestu deildar og þá vann Stjarnan 2-1 með mörkum frá Andra Rúnari Bjarnasyni og Guðmundi Baldvin Nökkvasyni, en Steinar Þorsteinsson skoraði fyrir Skagamenn. Sá leikur litaðist af mikilli hörku og fengu Skagamenn hvorki meira né minna en 5 gul spjöld í leiknum og eitt rautt þegar Haukur Andri Haraldsson var sendur í sturtu á 94. mínútu. Stjörnumenn fengu sjálfir 4 gul spjöld þar með talið Jökull Elísabetarson þjálfari liðsins. Vonandi nær Lárus Orri meira út úr Hauki Andra sem hefur valdið vonbrigðum það sem af er sumri

Það er enginn annar en Deano sem mun stýra liðinu í kvöld, en Lárus Orri tekur formlega við eftir leik. Lárus Orri situr þó ekki aðgerðarlaus á meðan og hefur hann fylgst með alla veganna einni æfingu og kynnt sig sem þjálfari liðsins eins og það þurfi. Það vita allir hver Lárus Orri er sem fylgjast reglulega með fótbolta.

Það fóru ansi margar sögur á kreik varðandi þjálfaramálin á Skaganum, hver verður næsti þjálfari liðsins? Um tíma þótti Jóhannes Karl Guðjónsson langlíkegastur til að taka við og heyrðist orðrómur um að hann væri fluttur til Íslands. En svo komu heldur betur óvæntar fréttir í gær og Lárus Orri Sigurðsson ráðinn í starfið. Hann kemur beint úr sjónvarpinu en hafði fram að þeirri stundu verið í þættinum Stúkunni á Stöð 2 sport.

Það er allt annað upp á teningnum hjá Jökli og hans mönnum í Stjörnunni sem eru á smá siglingu þessa stundina og situr sem stendur í 5. sæti Bestu deildar. Liðið hefur unnið tvo leiki og gert eitt jafntefli í síðustu þremur deildarleikjum. Nú síðast vann liðið serkan heimasigur á móti Valsmönnum 3-2 og liðið er líka komið í undanúrslit Mjólkurbikarsins eftir að hafa unnið Keflavík 4-2 síðast miðvikudag. Mynd af Örvari Loga fagna, en hann kom mikið við sögu í síðasta leik gegn Keflavík.

Það hefur gengið á ýmsu hjá Skagamönnum í sumar og því miður fyrir þá flest neikvætt. Liðið hefur tapað fimm af síðustu sex leikjum sínum í deildinni og núna síðast 1-4 tap á móti nýliðunum í Aftureldingu. Stjórn ÍA sagði hingað og ekki lengra og var þjálfari liðsins Jón Þór Hauksson látinn taka poka sinn.

Góðan dag kæru áhorfendur Verið hjartanlega velkomin í beina textalýsingu frá Elkem vellinum þegar heimamenn í ÍA taka á móti Stjörnunni í 12. umferð Bestu deildar karla klukkan 19.15 í kvöld