Sá hollenski flautar til leiksloka. Eftir nokkuð tíðindalítinn fyrri hálfleik þar sem Guðlaugur Victor skoraði undir lokin, hélt íslenska liðið til sýningar og skoruðu fjögur til viðbótar. Varla hægt að biðja um betri byrjun í undankeppni HM.

Frekari umfjöllun væntanleg.

Sóknarmaðurinn ungi keyrir inn á völlinn og lætur vaða fyrir utan teig, en boltinn rétt yfir mark gestanna.

Hákon Haralds með fyrirgjöf en Magomedaliyev, markvörður gestanna, kýlir frá. Magomedaliyev búinn að vera besti maður Asera.

Ísland fær aukaspyrnu um 25 metrum frá marki, Kristian Hlynsson stillir boltanum upp. Hann lætur vaða, en boltinn hátt yfir mark gestanna, mátti reyna!

Hilmar Jökull og félagar í tólfunni syngja takk fyrir komuna til gestanna en þeir hafa aldrei átt séns hérna í kvöld.

Þarf Arnar Viðars að vera stesssaður með metið sitt. 7-0

— Viktor Unnar (@Viktorillugason) September 5, 2025

Hákon Haralds með frábæra sendingu í gegn á Ísak sem er laus í teignum. Skagamaðurinn tekur sér tíma og hamrar á markið, en Magomedaliyev ver meistaralega í marki gestanna!

Ísak svekktur að hafa ekki nýtt þetta tækifæri.

Íslenska liðið búið að vera frábært í þessum síðari hálfleik, um leið og Aserarnir þurftu að sækja þá refsaði Ísland.

Jaja tikitaka á Laugardalsvelli

— Guðlaugur Valgeirsson (@GulliValgeirs) September 5, 2025

Erum bara að sundurspila þetta ???????? lið eins og prime Barcelona í þessum síðari hálfleik.
Við eigum Sævar Atla, Brynjólf og Daníel Gudjohnsen sem eru allir heitir með félagsliðum inni.

Guð blessi Aserbaidsjan ????????????

— Orri Rafn Sigurdarson (@OrriRafn) September 5, 2025

Þetta 3.mark hja okkur var eð Barca shit!!! Guð minn goður!! #fotboltinet

— Eyþór Helgi (@EysiBirgis) September 5, 2025

Jón Dagur með skot úr teignum sem Magomedaliyev ver vel. Boltinn á Albert sem gefur fyrir á Andra sem skallar boltann en aftur ver Magomedaliyev frábærlega!

Þetta mark! Þetta spil bara. Er eg að horfa a Barcelona eða?

— Viktor Unnar (@Viktorillugason) September 5, 2025

Albert Guðmundsson tekur skot fyrir utan teig, en boltinn fer hátt yfir mark Aserbaídsjan.

Hákon Haralds sparkar okkur aftur af stað.

Sá hollenski flautar til hálfleiks rétt eftir markið. Íslenska liðið búið að stýra umferðinni hér á Laugardalsvelli, en hafa átt erfitt með að finna leið í gegnum Aserana. Mark Guðlaugs Victors undir lok hálfleiksins afar mikilvægt.

Gestirnir komu ekki til Íslands til að eignast vini, Aserarnir tefja við hvert tilefni og hafa spilað afar óaðlaðandi fótbolta. Fróðlegt að sjá hvernig þeir koma út í síðari hálfleikinn þegar þeir þurfa mark.

+1

Ísland fær hornspyrnu, Albert tekur.

Hákon Arnar, gefur fasta sendingu fyrir á Andra Lucas. Andri tekur viðstöðulaust skot, en markvörður gestanna ver.

Jón Dagur snýr Elvin varnarmann gestanna af sér, en sá hollenski á flautunni dæmir brot. Elvin liggur niðri í dágóðan tíma eftir að brotið er dæmt.

Gestirnir fá aukaspyrnu rétt framan við miðlínu. Boltinn í teiginn á Huseynov sem skallar langt framhjá marki Íslands. Gestirnir hafa einungis ógnað úr föstum leikatriðum.

Gengur illa að opna þéttu vörn gestanna. Aserarnir eru í fimm manna varnarlínu og liggja djúpt niðri.

Ísland fær aukaspyrnu á miðjum vallarhelming gestanna. Albert Guðmunds gefur fyrir, en boltinn slakur og fer beint aftur fyrir endalínu.

Við minnum á myllumerkið #fotboltinet á X-inu til að vera með í umræðu um leikinn í kvöld.

Gestirnir fá sína fyrstu hornspyrnu, út á Ibrahimli, hann gefur fyrir á Emreli sem skallar boltann yfir markið. Vel útfærð hornspyrna hjá Aserunum.

Jón Dagur sker boltann út á Ísak Bergmann sem tekur lúmskt viðstöðulaust skot og boltinn rétt framhjá marki gestanna.

Íslenska liðið nánast búið að einoka boltann en eiga erfitt með að finna glufur í þéttri vörn Asera.

Albert Guðmundsson leikur listir sínar við endalínu, gefur fyrir, en boltinn í Asera en af einhverjum ástæðum dæmd markspyrna.

Ísland hefur stýrt umferðinni hér fyrstu tíu mínúturnar, gestirnir varla komist yfir miðju.

Albert með frábæra sendingu í gegn á Andra Lucas, sem ætlar að batta boltann út á Hákon sem næst þó ekki, en Ísland heldur í boltann.

Boltinn út á Mikael Egil, hann gefur fyrir á Hákon sem skallar boltann rétt yfir mark gestanna.

Stefán Teitur tekur langt innkast, þekkt stef. Boltinn fer manna á milli í teignum áður en gestirnir hreinsa.

Ísland fær fyrstu hornspyrnu leiksins, Ísak Bergmann tekur. Spyrnan fer yfir allan pakkann og aftur fyrir endalínu, Aserar fá markspyrnu.

Mikael Egill og Albert spila skemmtilega á milli sín. Boltinn á Hákon Haralds sem gefur fyrir, en enginn bláklæddur til að taka á móti fyrirgjöfinni.

Við erum farin af stað, Ísland albláir og Aserarnir alhvítir.

Áhorfendur taka við sér eftir Lofsöng og liðin gera sig klár, nú styttist í þetta!

Liðin ganga til vallar og við hlýðum á þjóðsöngva, byrjum á gestunum.

Birkir Bjarnason, leikjahæsti leikmaður landsliðsins frá upphafi lagði skóna á hilluna í vikunni og er hann heiðraður hér fyrir leik. Þorvaldur Örlygsson færir honum blómakrans og áhorfendur klappa fyrir Birki og þakka honum fyrir vel unnin störf.

Tómas Þór Þórðarson fer yfir byrjunarlið Íslands í kvöld #fotboltinet pic.twitter.com/fUEf3kfypo

— Fótbolti.net (@Fotboltinet) September 5, 2025

Arnar Gunnlaugsson hefur opinberað byrjunarlið sitt fyrir leik kvöldsins. Landsliðsþjálfarinn ræddi við stuðningsmenn á Ölver fyrir skömmu og tilkynnti þar að liðið myndi leika í 4-4-1-1 kerfi.

Í sjónvarpinu hér að ofan fer Tómas Þór Þórðarson yfir byrjunarlið Íslands í kvöld

Arnar segir að með uppstillingu liðsins sé hann að horfa til vináttuleiks Íslands gegn Skotlandi í júní, þar sem Ísland fór með 3-1 sigur af hólmi. Arnar gerir aðeins eina breytingu á byrjunarliði sínu frá Skotaleiknum þar sem Daníel Leó kemur í stað Harðar Björgvins.

Elías Rafn Ólafsson byrjar í marki Íslands, en fyrir framan hann eru hafsentarnir tveir, Daníel Leó Grétarsson og Sverrir Ingi Ingason. Þá byrjar Mikael Egill Ellertsson í vinstri bakverði og Guðlaugur Victor Pálsson hægra megin.

Á miðri miðjunni eru skagamennirnir tveir Stefán Teitur Þórðarson og Ísak Bergmann Jóhannesson. Albert Guðmundsson mun þá spila á vinstri kanti og Jón Dagur Þorsteinsson verður hægra megin.

Fyrirliði liðsins, Hákon Arnar Haraldsson, mun spila fyrir aftan Andra Lucas Guðjohnsen sem leiðir framlínuna.

Arnar Gunnlaugsson mætti á Ölver og fór yfir byrjunarlið Íslands og áherslur. Hér er hann á sviði ásamt Tómasi Þór.

Ómar Smárason, yfirmaður samskiptadeildar KSÍ, greindi frá því á fréttamannafundi í gær að búist sé við um 6.000 áhorfendum á leikinn. 1.800 mótsmiðar hafi verið seldir.

Eins og venjan er þá hita stuðningsmenn Íslands upp á veitingastaðnum Ölveri í Glæsibæ og mun Arnar Gunnlaugsson kíkja í heimsókn og frumsýna byrjunarliðið klukkan 17:00.

„Ég ætla ekki alveg að taka það djúpt í árina að þetta sé upp á líf og dauða, en þetta er nálægt því,“ sagði landsliðsþjálfarinn Arnar Gunnlaugsson sem sat fyrir svörum á blaðamannafundi.

„Ég skynja það að strákarnir eru sammála mér, við ætlum að kýla á þetta. Til þess að það raungerist þá er þetta „must-win“ á morgun. Mér finnst það pressa sem við eigum að setja á okkur.“

Ísland er í 74. sæti á styrkleikalista FIFA en Aserbaídsjan situr í 122. sæti

„Tölum bara íslensku þetta er lið sem við eigum að vinna á okkar góða degi. Ég endurtek að dagurinn þurfi að vera virkilega góður og allir þurfa að vera á sínum degi svo að við sækjum þessi þrjú stig. Við finnum hvernig umtalið er, við eigum að vinna þennan leik þá þarf allt að ganga upp.“

Aserbaídsjan er án sigurs í síðustu tíu leikjum þeirra. Arnar segir þó Ísland verða að fara að fullum hug inn í leikinn.

„Þeir eru með mjög reynslumikinn þjálfara. Santos gerði Portúgal að Evrópumeisturum, gamall refur. Þeim hefur ekki gengið vel í síðustu tíu leikjum að ná í úrslit. Mín reynsla af alþjóðlegum fótbolta er sú að hvaða styrkleikaflokki þú ert í, þá þarftu að fara í alla leiki með fullum hug og vera með fulla einbeitingu annars fer illa.“

Arnar er ánægður með stöðuna á íslenska hópnum.

„Mér hefur aldrei liðið jafn vel með hópinn og núna, það er kannski ástæða fyrir því. Í mars- og júní glugganum er langt tímabil að baki, en nú er september og leikjaálagið ekki enn farið að segja til sín.“

„Mér finnst allir hrikalega ferskir, menn „on it“, æfingarnar stórkostlegar og völlurinn geggjaður, ég er með virkilega góða tilfinningu fyrir þessum leik. Strákarnir eru spenntir, en ekki of spenntir. Spennustigið er rétt og menn eru staðráðnir að gera sitt besta og sýna hvað við erum búnir að læra undanfarna fjóra leiki.“

Þetta verður fyrsti leikur karlalandsliðsins á nýjum Laugardalsvelli, en nýtt hybrid-gervigras var lagt fyrr á árinu.

„Hann er bara geggjaður. Maður hefur ekki séð Laugardalsvöllinn svona áður, en það verður allavega engin afsökun að völlurinn sé ekki nógu góður," segir reynsluboltinn Guðlaugur Victor Pálsson.

   03.09.2025 18:57

Guðlaugur Victor: Verður allavega engin afsökun að völlurinn sé ekki nógu góður

„Mér lýst mjög vel á þetta, toppaðstæður og það er mikil tilhlökkun í hópnum og við ætlum bara að vinna þennan leik," segir Jón Dagur Þorsteinsson landsliðsmaður.

„Það er bara nokkuð augljóst að við ætlum að gerast eitthvað í þessum riðli og þá verðum við bara að vinna þennan leik."

Má búast við því að Aserar muni liggja til baka?

„Örugglega fyrirfram þá mætti búast við því en svo veit maður aldrei hvernig mómentið er í leiknum getur breyst og örugglega á einhverjum tímapunkti þá liggjum við til baka en við gerum ráð fyrir að vera meira með boltann en þeir."

   03.09.2025 16:00

Jón Dagur: Augljóst að við ætlum að gera eitthvað í þessum riðli

Daníel Tristan Guðjohnsen og Gísli Gottskálk Þórðarson eru nýliðar í hópnum. Þeir spjölluðu báðir við Fótbolta.net í vikunni.

   03.09.2025 14:55

Daníel Tristan stoltur: Klár í allt sem Arnar vill

   02.09.2025 19:20

Gísli Gotti: Besta sem maður getur hugsað sér sem íslenskur fótboltamaður

Elías Rafn er í samkeppni við Hákon Rafn um markvarðarstöðuna.

„Ég og Hákon erum toppfélagar, svo kemur í ljós hver spilar. Það er ákvörðun sem er undir þjálfaranum komin," sagði Elías í viðtali við Fótbolti.net í vikunni.

Er samband ykkar Hákons aldrei skrýtið á köflum?
„Þetta er auðvitað öðruvísi, þetta er bara ein staða á vellinum. Við styðjum hvorn annan og erum góðir félagar utan vallar. Þetta er þægilegra samband en á flestum öðrum stöðum.“

   04.09.2025 09:30

Tveir frábærir kostir en hvor þeirra verður í markinu?

   02.09.2025 18:48

Elías um samkeppnina við Hákon: Þægilegra samband en á flestum öðrum stöðum

Birkir Bjarnason verður heiðraður fyrir leikinn en hann tilkynnti í vikunni að hann hefði lagt skóna á hilluna.

Birkir er leikjahæsti leikmaður íslenska landsliðsins frá upphafi, lék alls 113 leiki og skoraði 15 mörk. Hann var lykilmaður í gullaldarliði Íslands og lék fyrir Íslands hönd á bæði EM 2016 og HM 2018.

   02.09.2025 21:30

Birkir Bjarnason heiðraður fyrir leikinn á föstudag

Margir ættu að kannast við þjálfara Asera en það er Fernando Santos, fyrrum landsliðsþjálfari Portúgals.

Stærsta afrek Santos kom 2016 þegar hann stýrði portúgalska landsliðinu óvænt til sigurs á Evrópumótinu. Liðið, með Cristiano Ronaldo innanborðs, vann heimamenn í Frakklandi í úrslitaleiknum, eftir að hafa gert jafntefli gegn Íslandi í riðlakeppni mótsins.

Santos stýrði Portúgal til sigurs í Þjóðadeildinni 2019 en hann hefur einnig stýrt landsliðum Grikklands og Póllands auk ýmissa félagsliða.

Hann hefur stýrt Aserum í tíu leikjum síðan hann tók við liðinu sumarið 2024 en enginn þeirra hefur unnist. Liðið hefur gert markalaus jafntefli gegn Eistlandi og Lettlandi en tapað hinum leikjunum undir hans stjórn.

Aserbaídsjan er í 122. sæti á styrkleikalista FIFA en Ísland situr í 74. sæti.

Sander van der Eijk, 34 ára Hollendingur, verður með flautuna í kvöld Arnar Gunnlaugsson landsliðsþjálfari gæti kannast við Van der Eijk en hann dæmdi 4-0 sigurleik Omonoia gegn Víkingi í Sambandsdeildinni sem fram fór á Kýpur á síðasta ári.

Allt dómarateymið í kvöld frá Hollandi, þar á meðal VAR myndbandsdómararnir.

Ísland - Aserbaídsjan
Dómari: Sander van der Eijk, Holland
Aðstoðardómari 1: Rens Bluemink, Holland
Aðstoðardómari 2: Stefan de Groot, Holland
4ði dómari: Marc Nagtegaal, Holland
VAR dómari: Jeroen Manschot, Holland
Aðstoðar VAR dómari: Clay Ruperti, Holland

Það er komið að undankeppni HM 2026! Íslenska liðið mætir Aserum á Laugardalsvelli í kvöld og leikur síðan gegn Frökkum á Prinsavöllum í París á þriðjudag í næstu viku. Fjórða liðið í riðlinum er svo Úkraína.

Leikurinn er gríðarlega mikilvægur. Ísland setur stefnuna á annað sæti í riðlinum og lykilatriði í að ná því markmiði er að vinna Asera á heimavelli. Sigurliðið í riðlinum, sem allir búast við að verði Frakkland, fer beint á HM en liðið sem endar í öðru sæti kemst í umspil.

   04.09.2025 17:45

Líklegt byrjunarlið Íslands gegn Aserbaídsjan: Markvarðarskipti og flæðandi sóknarleikur