Fótbolti.net

Kristall Máni: Fer mér bara vel að vera óþolandi

Kristian mætir funheitur í kanadíska kuldann - „Það besta sem maður gerir“

Aron Einar fann fyrir áhyggjum og hræðslu sinna nánustu - „Óþægilegt að vera í landi þar sem eru sprengingar“

Lúðvík ánægður að fá traustið: Riðillinn er galopinn

Gísli Gotti: Átti gott samtal við Arnar

Daníel Tristan hreinskilinn: Hún hefur alveg verið betri

Viktor Bjarki: Geggjað að sjá nafnið en pæli ekki mikið í þessu

Júlíus Mar: Hausinn vildi fara út

„Menn þurfa að vera á tánum til að spila í Víkingstreyjunni“

„Enginn sem óskar sér þess að mæta Víkingi“

Gæðastjórinn ætlar að reikna út xF

Birkir Már: Hefði sagt takk en nei takk væri hann ekki þarna

Víkingar unnu FH og Stjörnuna í dag - „Gera mér virkilega erfitt fyrir að velja í liðið“

Jökull: Yrði mjög sérstakt ef við myndum breyta einhverju þar

Heimir: Vel mannaðir, með frábæran þjálfara og ætla sér stóra hluti

Óskar Hrafn: Hef fullan skilning á því að okkur sé spáð 6. sæti

„Flottasta treyja sem við höfum spilað í"

„Fór frá því að spila yfir í það að mega ekki vera með á æfingum“

Sölvi: Teljum okkur vera með þannig hóp í ár

Stærsti samningur í sögu Víkings

mið 03. september 2025 18:57

Brynjar Ingi Erluson

Guðlaugur Victor: Verður allavega engin afsökun að völlurinn sé ekki nógu góður

Guðlaugur Victor Pálsson

Mynd: Fótbolti.net - Hafliði Breiðfjörð

Landsliðsmaðurinn Guðlaugur Victor Pálsson ræddi við Fótbolta.net um leikina sem framundan eru í undankeppni heimsmeistaramótsins, en hann segist spenntur fyrir þessu verkefni og vonar að liðið geti tekið skrefið upp á við.

Ísland mætir Aserbaídsjan á Laugardalsvelli á föstudag sem verður fyrsti leikur Íslands í undankeppninni og gríðarlega mikilvægt að byrja af krafti.

„Ég held að það sé eins mikilvægt og það gerist, að byrja undankeppnina vel. Við verðum að vinna, það er staðan.“

„Við eigum að vinna þá, sérstaklega hérna heima og ég held að allir séu á því markmiði og sömu blaðsíðu með það. Við erum búnir að undirbúa okkur mjög vel, og undirbúningurinn heldur áfram á morgun og svo er komið að þessu. Mikil tilhlökkun,“ sagði Guðlaugur Victor við Fótbolta.net.

Hvernig eru menn tilbúnir að kasta sér í djúpu laugina?

„Við erum allir búnir að vera lengi bæði hér og félagsliðum. Margir að spila á rosalega háu stigi, frábær hópur og góður balans á hópnum. Það er búið að vera mikil rótering þessa tvo glugga og Arnar sagði það alltaf að hann ætlaði að reyna mismunandi hluti, prufa menn og svo framvegis. Vonandi getum við sýnt að við erum búnir að taka skref upp á við í því sem hann vill. Þetta er búið að fara svolítið upp og ofan en við erum búnir að fókusera mikið á þá hluti sem við höfum gert vel og vonandi náum við að slípa því saman fyrir föstudaginn.“

Þetta verður fyrsti leikur karlalandsliðsins á nýjum Laugardalsvelli, en nýtt hybrid-gervigras var lagt fyrr á árinu.

„Hann er bara geggjaður. Maður hefur ekki séð Laugardalsvöllinn svona áður, en það verður alla vega engin afsökun að völlurinn sé ekki nógu góður.“

Guðlaugur Victor ítrekaði það að liðið þurfi lífsnauðsynlega að vinna leikinn á föstudag.

„Þetta er 'möst-win' leikur. Við erum með rosalega efnilegan og góðan hóp í að geta gert það sem þarf til að vinna þá og sérstaklega hérna heima. Ég vona bara að stemningin sé góð, völlurinn fullur og við getum sýnt alvöru frammistöðu,“ sagði hann ennfremur en í viðtalinu ræðir hann einnig um félagaskipti sín til Horsens og aðskilnaðinn frá Plymouth.