Fotbolti.net
01.05.22 - 08:00
Brynjar Ingi Erluson

Liverpool í viðræðum um nýjan treyjusamning - Yrði sá stærsti í sögunni

Standard Chartered hefur verið framan á treyjum Liverpool síðustu tíu árin

Standard Chartered hefur verið framan á treyjum Liverpool síðustu tíu árin

Canon

Mynd: EPA

Enska úrvalsdeildarfélagið Liverpool er í viðræðum við breska bankann Standard Chartered um áframhaldandi samstarf en bankinn er stærsti styrktaraðili félagsins en þetta kemur fram í Daily Mail.
Samstarf Liverpool og Standard Chartered hófst árið 2010 en bankinn hefur gengið í gegnum súrt og sætt með félaginu.

Bankinn hefur verið framan á treyjum Liverpool síðustu tólf árin en núverandi samningur gildir út næsta tímabil.

Samkvæmt Daily Mail þá er Liverpool i viðræðum um að framlengja samninginn við Standard Chartered næstu árin. Liverpool vill fá 80 milljónir punda á ári frá bankanum eða tvöfalt það sem hann greiðir nú þegar.

Ef bankinn samþykkir þá verður þetta stærsti treyjusamningur í sögunni og stærry en sá sem Barcelona gerði við Spotify fyrr á þessu ári.

Liverpool er einnig í viðræðum við önnur fyrirtæki og hefur þá helst komið upp að auglýsa rafmynt.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.