Fotbolti.net
01.09.20 - 22:35
Sæbjörn Þór Þórbergsson Steinke

Málfríður Erna í Stjörnuna (Staðfest)

Málfríður Erna

Málfríður Erna

Canon

Mynd: Fótbolti.net - Hafliði Breiðfjörð

Kvennaboltinn
Stjarnan hefur styrkt sig fyrir lokasprettinn í Pepsi Max-deild kvenna því Málfríður Erna Sigurðardóttir er gengin í raðir félagsins frá Val.

Málfríður er þrautreyndur leikmaður sem hefur langlengst á sínum ferli leikið með Val. Hún kíkti í Kópavpoginn og lék þar árin 2015 og 2016 en annars hefur hún leikið með Val frá árinu 2000 þegar hún lék sína fyrstu leiki með Hlíðarendafélaginu.
Varnarmaðurinn lék á sínum tíma 33 landsleiki og skoraði í þeim tvö mörk. Málfríður hafði komið við sögu í sjö leikjum með Val í sumar.

Málfríður lék þá þrjá leiki í deildinni þegar Valur varð Íslandsmeistari síðasta sumar. Var það í sjöunda skiptið sem Málfríður er hluti af Íslandsmeistaraliði (sex sinnum Valur og einu sinni Breiðablik).

Næsti leikur Stjörnunnar er gegn Selfossi næsta sunnudag.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.