Aston Villa er annað úrvalsdeildarfélagið sem er slegið úr leik í deildabikarnum í dag eftir að Brentford skellti Fulham.

Villa tók á móti Stoke City og skoraði Sam Vokes á 26. mínútu. Gestirnir frá Stoke leiddu eftir jafnan fyrri hálfleik.

Heimamenn voru með yfirhöndina í síðari hálfleik en áttu í erfiðleikum með að koma sér í færi og fann knötturinn ekki leiðina í netið.

Stoke gerði vel að halda út og tryggja sér glæstan sigur.