Fotbolti.net
01.12.15 - 13:22
Elvar Geir Magnússon
Ítalska deildin

Delneri nýr þjálfari Emils (Staðfest) - Entist síðast í 13 leiki

Luigi Delneri á hliðarlínunni.

Luigi Delneri á hliðarlínunni.

Canon

Mynd: Getty Images

Luigi Delneri hefur verið staðfestur sem nýr þjálfari Hellas Verona. Í fyrstu töldu ítalskir fjölmiðlar að Eugenio Corini, fyrrum þjálfari Chievo, yrði ráðinn en nú er ljóst að hinn 65 ára Delneri fær starfið.
Delneri hefur flakkað mikið um Ítalíu á ferli sínum, bæði sem leikmaður og þjálfari. Síðast var hann við stjórnvölinn hjá Genoa en var rekinn í janúar 2013 eftir að hafa aðeins verið þrettán leiki við störf.

Tímabilið 2010-11 stýrði Delneri stórliði Juventus en eftir sjö tapleiki af ellefu fyrstu leikjunum eftir áramót heimtuðu stuðningsmenn að hann yrði rekinn, þeim varð að ósk sinni.

Delneri hefur haft viðkomu í yfir 20 ítölskum knattspyrnufélögum á ferli sínum en hápunkturinn var um síðustu aldamót þegar hann kom Chievo Verona í efstu deild í fyrsta sinn í sögu félagsins. Á sínu fyrsta tímabili í deild þeirra bestu stýrði hann liðinu í Evrópukeppni.

Íslenski landsliðsmaðurinn Emil Hallfreðsson leikur með Verona sem er neðst í ítölsku A-deildinni með sex stig eftir fjórtán umferðir en liðinu hefur enn ekki tekist að vinna leik.

Ekkert mjög líklegt að Delneri, nýr þjálfari Emils Hallfreðs, verði lengi hjá Hellas Verona. #fotboltinet pic.twitter.com/Ji1kQNaIKN

— Elvar Geir Magnússon (@elvargeir) December 1, 2015

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.