Fotbolti.net
01.12.15 - 00:11
Ívan Guðjón Baldursson
Ítalska deildin

Þjálfari Emils rekinn eftir fimm ár í starfi (Staðfest)

Þjálfari Emils rekinn eftir fimm ár í starfi (Staðfest)
Canon

Mynd: Fótbolti.net - Hafliði Breiðfjörð

Emil Hallfreðsson og félagar hjá Verona hafa hafið tímabilið í ítölsku efstu deildinni mjög illa og eru á botninum með sex stig eftir fjórtán umferðir.

Andrea Mandorlini, þjálfari liðsins, var rekinn í kvöld eftir fimm ár í starfi sínu en liðið endaði í þrettánda sæti í fyrra, tólf stigum frá fallsæti.
Öll stig Verona hafa komið úr jafnteflum og er félagið það eina í deildinni sem er enn án sigurs.

Emil er fastamaður í byrjunarliði Verona og verður að teljast ólíklegt að miðjumaðurinn duglegi missi sæti sitt.

„Hellas Verona greinir frá því að Andrea Mandorlini og starfslið hans hefur verið vikið frá störfum,\" stendur í yfirlýsingu frá félaginu.

„Andrea og starfslið hans fær miklar þakkir frá félaginu fyrir að hafa sýnt mikla fagmennsku og ástríðu í starfi á síðustu árum.

„Við óskum stjóranum og starfsliðinu alls hins besta í framtíðinni.\"
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.