Fotbolti.net
02.02.22 - 11:12
Elvar Geir Magnússon

Aubameyang formlega orðinn leikmaður Barcelona (Staðfest)

Aubameyang formlega orðinn leikmaður Barcelona (Staðfest)
Canon

Mynd: Barcelona

Barcelona er búið að kynna Pierre-Emerick Aubameyang formlega sem nýjan leikmann félagsins. Hann kemur til félagsins á frjálsri sölu og skrifaði undir átján mánaða samning.

Barcelona staðfesti samninginn í morgun með myndbandi sem bar yfirskriftina 'Það er Auba tími'. Hann kemur á frjálsri sölu þar sem samningi hans við Arsenal var rift.
Aubameyang, sem er 32 ára, var sviptur fyrirliðabandi Arsenal í desember og látinn æfa einn vegna agabrota.

Hann var hjá félaginu í fjögur ár og skoraði 92 mörk í 163 leikjum fyrir félagið. Viðskilnaðurinn var þó á slæmum nótum. Arsenal er aðeins með tvær 'níur' í hópnum sínum eftir að hann fór; Alexandre Lacazette og Eddie Nketiah sem báðir verða samningslausir í sumar.

Barcelona reyndi á gluggadeginum að tryggja sér Aubameyang og um tíma virtist það runnið út í sandinn. En allt er gott sem endar vel og sóknarmaðurinn æfði í fyrsta sinn með félaginu í gær.

Aubameyang skrifaði á Instagram að hann muni alltaf geyma minningarnar frá Arsenal í hjarta sínu og segir það sárt að geta ekki kvatt almennilega.

Sjá einnig:
Líklegt byrjunarlið Barcelona eftir janúargluggann

La Liga - karlar

#LiðLmunStig
1Barcelona12+3533
2Real Madrid12+2130
3Atletico Madrid12+1328
4Betis12+526
5Real Sociedad12+122
6Sevilla12-218
7Athletic11+416
8Villarreal12+215
9Deportivo12+115
10Racing Santander12-1314
11Celta12013
12Alaves12-213
13Espanyol12-112
14Vallecano11-612
15Getafe12-1012
16Osasuna12-1112
17Levante12-511
18Elche12-610
19Valencia12-129
20Malaga12-145
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.