Breiðablik og FH mætast í meistarar meistaranna
Breiðablik og FH mætast í meistarar meistaranna í kvennaflokki klukkan 14:00 í dag en spilað er á Kópavogsvelli. Þá hefjast 32-liða úrslit Mjólkurbikars karla.
Breiðablik varð Íslands- og bikarmeistari hjá konunum og mun því mæta FH sem hafnaði í öðru sæti Bestu deildarinnar og komst í úrslit bikarsins.
Blikar komust í þennan eftirsótta leik á síðasta ári en tapaði fyrir Val, 1-0.
Í Meistarakeppni kvenna er keppt um Svanfríðarbikarinn til minningar um Svanfríði Guðjónsdóttur. Svanfríður vann ötullega að uppbyggingu knattspyrnu kvenna á Íslandi. Hún var fyrsta konan sem kjörin var í stjórn Knattspyrnusambands Íslands en hún hafði starfað í kvennanefnd KSÍ áður en hún var kosin í stjórn.
Á sama tíma mun fyrsti leikurinn í 32-liða úrslitum Mjólkurbikars karla fara fram er Lengjubikarsmeistarar Fylkis taka á móti KFA á tekkVellinum í Árbæ.
Leikir dagsins:
Mjólkurbikar karla
14:00 Fylkir-KFA (tekk VÖLLURINN)
Meistarakeppni kvenna
14:00 Breiðablik-FH (Kópavogsvöllur)
