„Við vinnum bara góðan 2-0 sigur, ég man ekki eftir því að þeir fengu einhver teljandi færi í þessum leik þannig að þetta var bara þéttur sigur hjá okkur," sagði Óskar Örn Hauksson fyrirliði KR eftir öruggan sigur á Breiðablik í fyrsta leik Pepsi-Max deildarinnar.
Lestu um leikinn: Breiðablik 0 - 2 KR
Var þetta nánast fullkomin frammistaða hjá KR?
„Nei ég myndi ekki segja það, við getum gert margt betur, við hefðum getað klárað þennan leik fyrr með þriðja markinu en varnarlega bara mjög flott og við bara byggjum ofan á þetta."
Vissi Óskar að hann væri að skora 18. tímabilið í röð í efstu deild?
„Já, það er alltaf verið að telja þetta þannig þetta er ekki flókið í fyrra var það sautjánda núna er það átjánda, ég var reyndar ekkert að pæla í þessu en þú bara minntir mig á þetta, maður er bara að æfa vel og borða vel þannig ég held að það sé bara lykillinn."
Viðtalið má sjá í heild sinni hér fyrir ofan.
Athugasemdir
