Fotbolti.net
02.05.22 - 12:29
Elvar Geir Magnússon

Leikmenn Man Utd óttast hörð viðbrögð frá eigin stuðningsmönnum

Marcus Rashford.

Marcus Rashford.

Canon

Mynd: EPA

Leikmenn Manchester United ætla að ganga hringinn í kringum völlinn eftir leikinn gegn Brentford í kvöld og þakka stuðningsmönnum fyrir tímabilið.

Þeir eru þó meðvitaðir um að geta fengið hörð og neikvæð viðbrögð úr stúkunni eftir tímabil vonbrigða á Old Trafford.
United er að fara í gegnum fimmta tímabilið í röð án þess að vinna bikar og á ekki raunhæfa möguleika á því að komast í Meistaradeildina.

United á þrjá leiki eftir á tímabilinu, leikurinn gegn Brentford er síðasti heimaleikurinn. Svo mun liðið heimsækja Brighton og Crystal Palace.

Rauðu djöflarnir eru í sjötta sæti fyrir leik kvöldsins en þeir hafa aðeins unnið fjóra af síðustu ellefu deildarleikjum.

Liðið fór í gegnum stjóraskipti á tímabilinu þegar Ole Gunnar Solskjær var rekinn og Ralf Rangnick var ráðinn stjóri til bráðabirgða. Það féll úr leik í Meistaradeildinni eftir tap gegn Atletico Madrid í 16-liða úrslitum.

Það verður fróðlegt að sjá hversu margir áhorfendur verða á vellinum þegar flautað verður til leiksloka í kvöld. Fyrirhuguð eru mótmæli til að mótmæla eigendum félagsins, Glazer fjölskyldunni, og fólk beðið um að yfirgefa sæti sín á 73. mínútu, sautján mínútum fyrir leikslok því sautján ár eru síðan Glazer fjölskyldan keypti félagið.

Premier league - karlar

#LiðLmunStig
1Arsenal10+1027
2Brighton10+1922
3Man City10+821
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Ipswich Town10-511
15Fulham10-210
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.