Klopp: Ótrúlegt hvað ég hef saknað fótboltans

Rúmar tvær vikur eru í að keppni í ensku úrvalsdeildinni hefjist á ný eftir að hún var stöðvuð 13. mars vegna kórónaveirunnar. Liverpool er með 25 stiga forskot og þarf tvo sigra í viðbót til að gulltryggja titilinn í fyrsta skipti í 30 ár.

„Það er gaman að hugsa um það en við erum ekki meistarar ennþá og við vitum það. Við vitum að við erum nálægt þessu en þetta er ekki klárt. Það eru 27 stig í pottinum og við munum reyna allt sem við getum til að ná í þau öll."

„Við erum ekki ennþá meistarar. Við eigum fótboltaleiki eftir og við verðum að vinna þá. Við viljum ekki hætta að vinna eftir tvo leiki eða hvað það er. Úrslitin eru ekki skrifuð í skýin, við verðum að leggja hart að okkur."