Máni Austmann leggur skóna á hilluna

Máni Austmann Hilmarsson hefur lagt skóna á hilluna. Hann ákvað það í lok tímabilsins í ár og staðfestir tíðindin í samtali við Fótbolta.net.

Máni er 28 ára sóknarmaður sem lék síðasta eina og hálfa ár ferilsins með Fylki en hafði þar á undan verið hjá Fjölni. Máni hefur farið víða á sínum ferli, er uppalinn hjá Stjörnunni og fór ungur út til FCK í Danmörku. Á sínum tíma skoraði hann fjögur mörk í 21 leik fyrir yngri landsliðin.

Hann spilaði sína fyrstu meistaraflokksleiki í Garðabæ með Stjörnunni 2017. Ári seinna lék hann með ÍR, svo tók hann tvö tímabil með HK, næst þrjú tímabil með Leikni og svo ár með FH.