Fotbolti.net
02.07.14 - 13:35
Daníel Freyr Jónsson

Alfreð Finnbogason til Real Sociedad (Staðfest)

Alfreð Finnbogason er farinn til Spánar.

Alfreð Finnbogason er farinn til Spánar.

Canon

Mynd: Fótbolti.net - Hafliði Breiðfjörð

Alfreð Finnbogason er genginn í raðir spænska úrvalsdeildarliðsins Real Sociedad frá Heerenveen í Hollandi.

Þessi mikli markaskorari skrifaði í dag undir fjögurra ára samning hjá Sociedad eftir að hafa staðist læknisskoðun í morgun.
Það hefur legið lengi í loftinu að Alfreð myndi yfirgefa Heerenveen í sumar eftir ótrúlega frammistöðu með félaginu. Skoraði hann 59 mörk í 70 leikjum á þeim tveimur árum sem hann spilaði í Hollandi.

Alfreð, sem er 25 ára gamall, kom til liðsins frá belgíska félaginu Lokeren.

Sociedad hafnaði í sjöunda sæti spænsku deildarinnar á síðustu leiktíð og tekur liðið þátt í undankeppni Evrópudeildarinnar fyrir komandi leiktíð.

Alfreð mun veita Mexíkóanum Carlos Vela og Imanol Agirretxe samkeppni um framherjastöðu liðsins.

Heimild: Heimasíða Real Sociedad

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.