Ítalski miðjumaðurinn Stefano Sensi mun spila með Monza á láni frá Inter á næstu leiktíð, Hann var kynntur hjá félaginu í dag.
Monza er nýliði í Seríu A eftir að hafa unnið Pisa í umspili um sæti í deildinni í síðasta mánuði.
Silvio Berlusconi er eigandi Monza og kom félaginu í fyrsta sinn í sögunni í efstu deild, en hann var áður eigandi Milan.
Hann hefur verið duglegur við að sækja reynslumikla leikmenn á markaðnum í sumar en það bættist við annar leikmaður í dag.
Stefano Sensi er mættur á láni frá Inter. Þetta kemur til með að styrkja liðið gríðarlega en Sensi sem er 26 ára, hefur átt sæti í ítalska landsliðshópnum síðustu tvö ár.
Monza ætlar að halda áfram að styrkja hópinn en félagið reynir nú að sannfæra argentínska sóknarmanninn Mauro Icardi um að koma frá Paris Saint-Germain og þá ætlar félagið að reyna hið ómögulega og fá Paulo Dybala á frjálsri sölu.
Sjá einnig:
Monza reynir að fá Icardi og Dybala
Athugasemdir