Nuno að taka við einu sigursælasta liði Sádi-Arabíu

Nuno var ráðinn til Tottenham síðasta sumar en rekinn fjórum mánuðum síðar eftir slaka byrjun á tímabilinu.

Hann þjálfaði áður Rio Ave, Wolves, Valencia og Porto við góðan orðstír en nú heldur hann út fyrir Evrópu.

Fjölmiðlar í Sádi-Arabíu greina nú frá því að Nuno hafi komist að samkomulagi um að taka við liði Al Ittihad.

Al Ittihad er þriðja sigursælasta liðið í landinu með átta meistaratitla en liðið hafnaði í öðru sæti á síðasta tímabili sem var að klárast.