Lögfræðingar hollenska sóknarmannsins Memphis Depay vinna nú að því að rifta samningi hans við spænska félagið Barcelona en það er Fabrizio Romano sem greinir frá þessu á Twitter.
Depay kom til Barcelona á frjálsri sölu frá franska félaginu Lyon á síðasta ári.
Hann var markahæsti leikmaður liðsins í spænsku deildinni og gerði 12 mörk.
Börsungar keyptu Robert Lewandowski frá Bayern München á dögunum og mun því Depay vera í aukahlutverki á komandi leiktíð, fyrir svo utan það að Barcelona þarf að losa sig við leikmenn til að geta skráð inn nýju leikmennina vegna launaþaks í spænsku deildinni.
Depay er opinn fyrir því að fara frá félaginu en er líka til í að vera áfram. Hann mun aðeins skoða tilboð frá toppliðum.
Lögfræðingar leikmannsins vinna nú hörðum höndum að því að fá samningi hans við Barcelona rift en hann skrifaði undir tveggja ára samning á síðasta ári og á því einungis ár eftir.
Excl: Barcelona and Memphis Depay lawyers are in negotiations to reach an agreement on free agency. No way for €20m fee. Depay will accept to leave Barça only in case he’ll find the right option for his future. 🚨 #FCB
— Fabrizio Romano (@FabrizioRomano) August 2, 2022
Memphis Depay will only consider top clubs. pic.twitter.com/COFSiHdXBL
Athugasemdir