Úrslitin úr leik G/N og Fram standa óhögguð

Það er óumdeilt að G/N var einungis með einn varamann sem gjaldgengur er í 2. flokk en það var vegna mistaka við skýrslugerð.

Aga- og úrskurðarnefnd mat mistökin ekki þess eðlis að þau væru vísvitandi og því standa úrslitin óhögguð.

Í niðurstöðu málsins segir að nefndin að framkvæmdastjóri KSÍ muni taka ákvörðun um hvort G/N verði sektað fyrir brot á reglum sambandsins. Brot á reglunni getur orðið til þess að félag sé sektað um allt að 250 þúsund krónur.

Úr niðurstöðu málsins
Að mati nefndarinnar liggur fyrir að reglur um útfyllingu leikskýrslu voru brotnar af hálfu kærða en nefndin telur ekki unnt að slá því föstu í ljósi atvika allra að þetta hafi verið með vilja gert eða í því skyni að blekkja andstæðing sinn. Samkvæmt gr. 37.1 er það framkvæmdastjóri KSÍ sem tekur ákvörðun um sektir vegna brota á gr. 9.6.1 og því skortir aga- og úrskurðarnefnd heimild til þess að úrskurða um sekt vegna brots kærða á greininni. Með vísan til alls framangreinds er kröfum kæranda hafnað.