Liverpool hefur verið að lenda undir í mörgum leikjum í deildinni og aðeins safnað tíu stigum í fyrstu sjö leikjunum.

Þetta er mjög ólíkt því sem við höfum séð af liðinu síðustu ár en Matip kallar eftir því að liðið geri betur.

„Ég er klárlega ekki ánægður. Þetta var ekki góð frammistaða og Brighton spilaði vel og gerði líf okkar frekar erfitt."

„Þetta var ekki okkar leikur og þetta var svona frá byrjun. Við þurfum að bæta okkur."

„Þetta varð aðeins betra en við erum samt ekki ánægðir með frammistöðuna og sérstaklega á heimavelli. Við búumst við meiru frá okkur sjálfum," sagði Matip.

Alisson Becker, markvörður Liverpool, var einn af bestu mönnum liðsisn og þá hélt Roberto Firmino áfram að skora en hann gerði tvö mörk í leiknum. Hann er með 5 mörk og 3 stoðsendingar í deildinni.

„Það er frábært, þó svo þetta hafi ekki verið góður leikur fyrir okkur, þá er Roberto Firmino að skora. Það er geggjað og Alisson var þarna til að bjarga okkur enn og aftur og vonandi þarf hann ekki að taka svona margar vörslur í framtíðinni."

„Mér gæti ekki verið meira sama hvaða liði við erum að fara að mæta næst, við þurfum að stíga upp og gera betur," sagði Matip.