Anthony Gordon var rétt í þessu að koma Newcastle United í 1-0 gegn Manchester United á St. James' Park í ensku úrvalsdeildinni og óhætt að segja að markið hafi verið verðskuldað.
Newcastle hefur skapað sér urmul af færum í leiknum. Kieran Trippier átti meðal annars aukaspyrnu í þverslá í fyrri hálfleiknum og átti liðið alls fjórtán skot áður en flautað var til loka fyrri hálfleiks.
Það var aðeins tímaspursmál hvenær fyrsta mark Newcastle kæmi.
Á 56. mínútu keyrði Newcastle upp í hraða skyndisókn. Trippier kom boltanum fyrir markið á Gordon sem var ekki í vandræðum með að klára færið.
Hægt er að sjá markið hér fyrir neðan.
Sjáðu markið hér
Athugasemdir