Luis Suarez yfirgefur Gremio þegar tímabilinu í Brasilíu lýkur. Hann hefur verið sterklega orðaður við Inter Miami í Bandaríkjunum.
Tveir leikir eru eftir í deildinni en síðari leikurinn fer fram þann 7. desember. Gremio er í 6. sæti deildarinnar, fjórum stigum á eftir toppliði Palmeiras.
Suarez segir að hann muni sakna Brasilíu.
„Við förum frá vinum okkar, börnin okkar fara frá vinum sínum. Ég sit uppi með þá ástúð sem fólkið frá Gremio og einnig [keppinautarnir] Internacional veittu mér," sagði Suarez.
Líklegt þykir að hann fari til Inter Miami en þar hittir hann fyrir Lionel Messi, Jordi Alba og Sergio Busquets en hann lék með þeim hjá Barcelona á sínum tíma.
Athugasemdir