Barcelona fær Atletico Madrid í heimsókn í spænsku deildinni á morgun. Liðin eru í 3. og 4. sæti fjórum stigum á eftir tveimur efstu liðunum, Girona og Real Madrid.
Þýski markvörðurinn Marc Andre ter Stegen hefur misst af síðustu tveimur leikjum Barcelona og útlit er fyrir að hann verði ekki með liðinu á morgun.
Ter Stegen er að kljást við bakmeiðsli en hann hefur ekkert æft með liðinu í undirbúningnum fyrir leikinn.
Hann hefur æft einn undanfarið og hefur alltaf fundið fyrir verkjum svo hann getur ekki hafið æfingar á fullu.
Inaki Pena hefur staðið vaktina í markinu hjá Barcelona í tveimur síðustu leikjum og ef hann verður í byrjunarliðinu gegn Atletico er það í fyrsta sinn sem hann byrjar í þremur leikjum fyrir félagið.
Athugasemdir
