Katla svekkt eftir fyrsta byrjunarliðsleikinn - „Ekki í boði"
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Tilfinningin var mjög góð, mér leið vel. Ég fékk mikið tal og pepp frá stelpunum, mjög gaman," sagði Katla Tryggvadóttir sem var í fyrsta sinn í byrjunarliði íslenska landsliðsins í kvöld þegar liðið tapaði gegn Danmörku á Pinatar-vellinum í Murica á Spáni í vináttuleik.
KSÍ birti viðtal við hana á samfélagsmiðla í kvöld en hún var eðlilega svekkt eftir tapið.
„Gríðarlega svekkjandi. Við ætluðum að fara í þennan leik til að vinna hann en það gekk ekki upp í dag. Mér fannst við þéttari, það var styttra á milli lína hjá okkur í seinni hálfleik," sagði Katla.
Liðið gerði markalaust jafntefli gegn Kanada í fyrri leik liðsins í þessu verkefni á Spáni. Hún var spurð að því hver munurinn hafi verið á leikjunum tveimur en liðið fékk bæði mörkin á sig í fyrri hálfleik í kvöld.
„Við erum að leka inn marki úr föstu leikatriði sem er ekki í boði. Það var gott að sjá bætingu milli fyrri og seinni hálfleiksins," sagði Katla.
????? Katla Tryggvadóttir ræddi við okkur eftir leik, en þetta var fyrsti byrjunarliðsleikur hennar með A-landsliðinu.#viðerumísland pic.twitter.com/bElVole86t
— Knattspyrnusambandið (@footballiceland) December 2, 2024
