Crystal Palace 0 - 0 Manchester Utd
Crystal Palace og Manchester United áttust við í einum slakasta leik tímabilsins í ensku úrvalsdeildinni á Selhurst Park í kvöld.
Það er ekki mikið hægt að segja um þennan leik fyrir utan það að það var ekki mikið sem gerðist, það voru lítil gæði og mikil þoka á vellinum.
Mason Greenwood átti fína tilraun á 81. mínútu sem fór yfir markið. Patrick van Aanholt, bakvörður Palace, fékk svo besta færi leiksins stuttu síðar eftir sendingu frá Luka Milivojevic. Hann var einn gegn Dean Henderson, markverði Man Utd, en Henderson lokaði á hann og bjargaði stiginu fyrir gestina frá Manchester.
Man Utd er í öðru sæti deildarinnar, 14 stigum á eftir toppliði Manchester City en þau toppliðin tvö mætast um helgina. Palace er áfram í 13. sæti deildarinnar.
Önnur úrslit í kvöld:
England: Jafnt á Turf Moor - Villa saknar Grealish
Athugasemdir