Leikskýrslan á heimasíðu Real Madrid er afar harðorð í garð dómarateymisins á Mestalla-leikvanginum í kvöld en þar er dómarinn sakaður um spillingu eftir að hafa dæmt mark af Jude Bellingham seint í uppbótartíma.
Staðan var 2-2 þegar Madrídingar fengu hornspyrnu. Luka Modric kom boltanum inn í teiginn. Boltinn var hreinsaður út á Brahim Díaz, sem náði að rífa sig lausan og koma boltanum fyrir á Bellingham sem skoraði.
Dómari leiksins ákvað hins vegar að flauta leikinn þegar Díaz sendi boltann fyrir markið og endaði leikurinn því 2-2.
Bellingham var eðlilega ósáttur við niðurstöðu dómarans og endaði það með því að hann fékk að líta rauða spjaldið og er á leið í þriggja leikja bann.
Real Madrid hefur áfrýjað spjaldinu en ekki bara það, heldur veltir félagið fyrir sér hvað átti sér stað í þessu atviki. Það hefur lengi kvartað yfir dómgæslunni á Spáni.
Hægt er að sjá þetta ótrúlega atvik hér fyrir neðan. Einnig er sýnt í myndbandinu þegar dómarinn tekur ákvörðun um að flauta, en það virðist eitthvað bogið við þetta allt saman.
Real Madrid have been ROBBED!
— TC (@totalcristiano) March 2, 2024
This video shows a GENUINE SCANDAL!pic.twitter.com/JrGsUBX9cR
Athugasemdir
