Arsenal endurnýjar áhuga á Luiz - Man Utd reynir við Todibo - Tottenham vill Sudakov
banner
   sun 03. mars 2024 13:59
Jóhann Þór Hólmgrímsson
Lengjubikarinn: Kristófer Ingi tryggði Blikum jafntefli gegn Vestra
Kristófer Ingi
Kristófer Ingi
Mynd: Fótbolti.net - Haukur Gunnarsson

Breiðablik 1-1 Vestri
0-1 Pétur Bjarnason ('49 )
1-1 Kristófer Ingi Kristinsson ('86 )
Rautt spjald: Morten Ohlsen Hansen


Breiðablik á ennþá möguleika á að komast áfram í undanúrslit eftir jafntefli gegn Vestra í Lengjubikarnum í dag.

Það var markalaust í hálfleik en Vestri komst yfir þegar Pétur Bjarnason komst í gegn og setti boltann snyrtilega framhjá Antoni Ara.

Morten Ohlsen Hansen í liði Vestra fékk hins vegar að líta rauða spjaldið þegar hann braut á Eyþóri Wöhler sem náði boltanum af Morten og slapp í gegn en Morten stöðvaði hann og fékk réttilega að líta rauða spjaldið.

Þegar skammt var til loka leiksins fékk Breiðablik vítaspyrnu þegar brotið var á Kristófer Inga Kristinssyni inn í teignum. Hann steig sjálfur á punktinn og skoraði af miklu öryggi og tryggði Blikum stig.

Blikar eru með sjö stig í 4. sæti riðilsins og mæta Keflvíkingum í síðustu umferð. Ef Blikar vinna Keflvíkinga vinna þeir riðilinn og komast áfram í undanúrslit keppninnar.


Lengjubikar karla - A-deild, riðill 1
Lið L U J T Mörk mun Stig
1.    Breiðablik 5 3 1 1 15 - 4 +11 10
2.    Grindavík 5 3 1 1 9 - 10 -1 10
3.    FH 5 3 0 2 8 - 8 0 9
4.    Keflavík 5 2 2 1 12 - 11 +1 8
5.    Grótta 5 1 0 4 5 - 11 -6 3
6.    Vestri 5 0 2 3 3 - 8 -5 2
Athugasemdir
banner
banner