„Mjög sáttur að fá sextíu plús loksins, eftir ótrúlega langan tíma utanvallar. Þetta var fyrsti leikurinn minn frá árinu 2018 og ég bara gæti ekki verið sáttari,'' sagði Kristófer Páll Viðarsson, leikmaður Leiknis F., eftir 0-2 sigur liðsins á Magna í Lengjudeild karla í kvöld.
Lestu um leikinn: Magni 0 - 2 Leiknir F.
Varðandi líkamlegt ástand sagði Kristófer:
„Skrokkurinn er mjög góður. Það er ekkert að trufla mig þar, nema bara undir lokin. Þá var maður kominn með krampa og orðinn þreyttur. Það er bara eðlilegt, þess vegna er ég hérna. Til að koma mér í alvöru stand fyrir slaginn með Keflavík á næsta tímabili.''
„Í fyrri hálfleik þá var ógeðslega gaman að vera inná vellinum. Við unnum baráttu og náðum að koma okkur í mörg færi. Við hefðum bara átt að klára leikinn í raun í fyrri hálfleik.''
Varðandi vítaspyrnudóminn sagði Kristófer Páll:
„Ég og Gauti forum í 50/50 bolta og hann ætlar að skjóta í burtu, en hann einhvernveginn hrekkur fyrir lappirnar á mér og fer framhjá honum. Þá fer hann aðeins í mig. Þeir vildu meina að þetta hefði ekki verið neitt, en mér fannst þetta klárt brot.''
Viðtalið má sjá í heild sinni í spilaranum hér að ofan.
Athugasemdir