Everton að kaupa miðjumann frá Arsenal

Nörgaard er 32 ára gamall og fékk lítinn spiltíma á einu ári hjá Arsenal, en þar áður var hann fyrirliði Brentford.

Nörgaard kom við sögu í 20 leikjum á síðustu leiktíð, þar af sjö í ensku úrvalsdeildinni er Arsenal tryggði sér langþráðan Englandsmeistaratitil.

Nörgaard fer í læknisskoðun hjá Everton eftir helgi og á að fylla í skarðið fyrir Idrissa Gana Gueye sem er fluttur úr Bítlaborginni.

Hann verður fjórði leikmaðurinn sem Everton fær til sín í sumar eftir Hayden Hackney, Tyrique George og Merlin Röhl.