sun 03. júlí 2022 08:00
Ívan Guðjón Baldursson
Gladbach kaupir Itakura af Man City (Staðfest)
Itakura skoraði 4 mörk í 31 deildarleik með Schalke.
Itakura skoraði 4 mörk í 31 deildarleik með Schalke.
Mynd: EPA

Borussia Mönchengladbach er búið að festa kaup á japanska miðverðinum Ko Itakura frá Manchester City.


Itakura hefur verið hjá Man City í þrjú ár án þess að spila leik fyrir félagið en hann hefur þó gert góða hluti úti á láni hjá Gröningen í Hollandi og Schalke í B-deild þýska boltans. Hann átti aðeins eitt ár eftir af samningnum við City.

Itakura er 25 ára gamall og var í lykilhlutverki hjá Schalke á síðustu leiktíð en félagið hefur ekki efni á því að festa kaup á honum. Gladbach er talið borga um 5 milljónir evra fyrir varnarmanninn sem var eftirsóttur af minnst þremur liðum í efstu deild Þýskalands í sumar.

Itakura á 8 landsleiki að baki fyrir A-landslið Japan og 24 fyrir U23 landsliðið.


Athugasemdir
banner
banner
banner
banner