Chelsea lagði fram 100 milljón evra tilboð í Lukaku og var Marcos Alonso með í dílnum en Inter hafnaði því.

Inter er í fjárhagsvandræðum og þarf að selja leikmenn en Lukaku er sagður ósnertanlegur samkvæmt Guiseppe Marotta, framkvæmdastjóra Inter.

Chelsea mun þó halda áfram í viðræðum við Inter og er ákveðið í að fá framherjann. Félagið undirbýr nú nýtt tilboð sem hljóðar upp á 120 til 130 milljónir evra.

Lukaku myndi fá langtímasamning og 230 þúsund pund í vikulaun ef það verður af skiptunum.