Fotbolti.net
03.09.20 - 06:00
Ívan Guðjón Baldursson

Augsburg missir Philipp Max til PSV (Staðfest)

Augsburg missir Philipp Max til PSV (Staðfest)
Canon

Mynd: Getty Images

Augsburg er búið að selja vinstri bakvörðinn öfluga Philipp Max yfir til PSV Eindhoven í Hollandi.
Þetta er gífurlega mikill liðsstyrkur fyrir PSV enda hefur Max mikla reynslu úr þýska boltanum. Á fimm árum hjá Augsburg spilaði Max 146 leiki og skoraði 14 mörk.

Max spilaði yfirleitt sem bakvörður en var einnig notaður á vinstri kanti og á vængnum í þriggja manna sóknarlínu, með Alfreð Finnbogason fremstan.

PSV er talið greiða 8 milljónir evra fyrir Max, sem var metinn á 20 milljónir fyrir Covid-19 faraldurinn.

Max á þrjá leiki að baki fyrir þýska Ólympíulandsliðið, sem er skipað leikmönnum 23 ára og yngri.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.