Fotbolti.net
03.09.21 - 11:46
Elvar Geir Magnússon

Ágúst Gylfason hættir þjálfun Gróttu eftir tímabilið (Staðfest)

Ágúst Gylfason, þjálfari Gróttu.

Ágúst Gylfason, þjálfari Gróttu.

Canon

Mynd: Fótbolti.net - Eyjólfur Garðarsson

Lengjudeildin
„Knattspyrnudeild Gróttu og Ágúst Gylfason hafa ákveðið í sameiningu að Ágúst láti af störfum fyrir félagið eftir að yfirstandandi keppnistímabili lýkur. Félagið mun að tímabilinu loknu kveðja Ágúst með virktum og söknuði og óskar honum velfarnaðar í hans störfum í framtíðinni," segir í tilkynningu Gróttu.

Ágúst tók við Gróttu fyrir síðasta tímabil en liðið var þá í Pepsi Max-deildinni, það var fyrsta tímabil liðsins í efstu deild. Grótta endaði í ellefta sæti og féll.

Grótta er núna í fimmta sæti Lengjudeildarinnar þegar þrjár umferðir eru eftir.

„Þótt Grótta hafi fallið úr deildinni, stóð liðið sig vel við erfiðar aðstæður í miðjum heimsfaraldri. Á yfirstandandi keppnistímabili í Lengjudeild karla hefur Gróttuliðið leikið vel og árangurinn ágætur, þótt herslumun hafi vantað svo liðið blandaði sér af fullum þunga í toppbaráttu deildarinnar," segir í tilkynningu Gróttu.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.