Fotbolti.net
03.09.21 - 11:30
Guðmundur Aðalsteinn Ásgeirsson

Tobin Heath í Arsenal (Staðfest)

Tobin Heath.

Tobin Heath.

Canon

Mynd: Getty Images

Kvennaboltinn
Kvennalið Arsenal hefur fengið mjög góðan liðsstyrk fyrir tímabilið í ensku úrvalsdeildinni.
Félagið hefur samið við bandarísku landsliðskonuna Tobin Heath um að leika með liðinu á tímabilinu sem fer senn að hefjast.

Heath á mjög farsælan feril að baki. Hún á að baki 177 landsleiki fyrir Bandaríkin og í þeim hefur hún skorað 33 mörk. Hún á tvo Heimsmeistaratitla og tvö Ólympíugull.

Á síðustu leiktíð spilaði Heath með Manchester United og núna mætir hún aftur í enska boltann.

„Hún er ótrúlega hæfileikaríkur leikmaður sem mun koma með mikla reynslu inn í hópinn," segir Jonas Eidevall, þjálfari Arsenal, um þessa öflugu styrkingu.

Arsenal hefur leik í ensku úrvalsdeildinni á sunnudag. Það er stórleikur gegn Chelsea fyrst á dagskrá.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.