Garth Crooks, sérfræðingur BBC, er búinn að velja úrvalslið helgarinnar í ensku úrvalsdeildinni. Hann stillir upp í leikkerfið 3-4-3.
Jordan Pickford (Everton) Varslan frá Adam Armstrong breytti leiknum. Eitthvað hefur gerst hjá Pickford eftir komu Frank Lampard. Hann hefur verið í frábæru formi og veitir varnarlínu sinni öryggi. Everton og Liverpool eru nú með jafnmörg stig.
Thiago Silva (Chelsea) Hann var heppinn að haldast inn á vellinum. Silva heldur sjó á meðan Koulibaly og Fofana eru að fóta sig. Frábær skalli á Aubameyang í jöfnunarmarkinu.
Conor Coady (Everton) Frábær varnarmaður sem hreyfir sig eins og framherji í vítateig andstæðinganna. Hann elskar að skora mörk og leitast eftir því að gera það.
Miguel Almiron (Newcastle) Þeir stuðningsmenn Newcastle sem ferðuðust í leikinn hljóta að hafa verið hoppandi kátir. Almiron er í frábæru formi og með hann og liðið í þessum gír þá gæti liðið endað í topp sex.
Leandro Trossard (Brighton) Það eru ekki margir leikmenn sem hafa skorað þrennu sem leikmaður gestaliðsins á Anfield. Trossard fékk högg á sig í seinni hálfleik sem eflaust margir hefðu farið af velli út af. Trossard ákvað að halda áfram og kláraði þrennuna.
Phil Foden (Man City) Hann var frábær gegn Liverpool á Anfield í fyrra og þá átti maður von á enn meira frá honum. Ári seinna er Foden kominn talsvert lengra og skoraði þrennu gegn Man Utd í gær.
Erling Haaland (Man City) Að skora eina þrennu á tímabili er merkilegt en að gera það í þremur heimaleikjum í röð hefur ekki gerst áður. Haaland er að spila fyrir lið sem býr til færi mjög auðveldlega. Ef Haaland helst heill þá getum við pakkað saman og farið heim.
Roberto Firmino (Liverpool) Tvær afgreiðslur í hæsta klassa. Hann er ekki með sömu hlaupagetu og hann hafði en hann getur hjálpað liðinu að snúa genginu við.
