Anna Birna í Þrótt (Staðfest)

Anna Birna kemur frá Breiðabliki þar sem hún er uppalin. Hún hefur leikið 92 meistaraflokksleiki í efstu deild og bikarkeppni fyrir hönd Breiðabliks en hún var á láni hjá Fram síðastliðið sumar og lék þá 9 leiki í 1. deildinni. Þar að auki á Anna Birna fjóra U19 landsleiki að baki.

Á heimasíðu Þróttar kemur fram að félagið bindi miklar vonir við komu Önnu Birnu og vænti þess að reynsla hennar muni reynast nýliðunum vel á komandi tímabili.