Fotbolti.net
04.05.16 - 18:45
Elvar Geir Magnússon

Bergsteinn í mark Aftureldingar (Staðfest)

Bergsteinn Magnússon markvörður.

Bergsteinn Magnússon markvörður.

Canon

Mynd: Fótbolti.net - Hafliði Breiðfjörð

Markvörðurinn Bergsteinn Magnússon hefur gengið til liðs við Aftureldingu en þetta kemur fram í tilkynningu frá félaginu.
„Bergsteinn kemur frá Leikni F en hann átti mjög gott tímabil í fyrra og lék stórt hlutverk í velgengi Leiknismanna. Bergsteinn er uppalinn í Keflavík og hefur leikið 3 leiki í Pepsi-deild með uppeldisfélagi sínu. Bergsteinn á að baki 9 U17 landsleiki og 8 U19 landsleiki,\" segir í tilkynningunni.

„Afturelding fagnar komu Bergsteins og býður hann hjartanlega velkominn til félagsins.\"

Markvörðurinn Bjarni Þórður Halldórsson sem gekk í raðir Aftureldingar frá Fylki í vetur greindist með brjósklos í síðustu viku.

„Það er mikið áfall fyrir hann sjálfan sem og liðið en það þýðir ekki að gráta Björn bónda heldur safna liði,\" sagði Úlfur Arnar Jökulsson, þjálfari Aftureldingar, í viðtali í morgun en liðinu er spáð 3. sæti í 2. deildinni í sumar.

Afturelding mætir KV í fyrstu umferð á föstudag.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.