Fotbolti.net
04.05.22 - 22:32
Brynjar Ingi Erluson

Ræðir myndina sem fór á flug um netheima - „Þetta var bara mynd með vinum mínum"

Carlo Ancelotti lítur út eins og einhverskonar Guðfaðir á myndinni

Carlo Ancelotti lítur út eins og einhverskonar Guðfaðir á myndinni

Canon

Mynd: Real Madrid

Mynd af Carlo Ancelotti og leikmönnum Real Madrid náði flugi á netheimum eftir fögnuð þeirra um síðustu helgi er liðið varð spænskur meistari en hann hefur nú útskýrt þessa ágætu mynd.
Ancelotti var með sólgleraugu og vindil og skartaði trefli frá Real Madrid en þessi mynd varð einhverskonar farandsbrandari (e. meme) á netheimum.

Það voru flestir sammála um það að Ancelotti hafi verið ekkert eðlilega svalur á myndinni sem hann tók með vinum sínum eins og hann orðaði sjálfur.

Ancelotti er á leið í fimmta úrslitaleik sinn í Meistaradeildinni eftir sigur liðsins á Manchester City í kvöld og tók sér tíma að útskýra myndina í viðtali við Movistar.

„Neinei, ég reyki ekki vindla. Þetta var bara mynd með vinum mínum. Já, þessir leikmenn eru vinir mínir," sagði Ancelotti.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.