Níu á bekknum í stað sjö
Á fundi ensku úrvalsdeildarinnar í dag var samþykkt að fimm skiptingar verði leyfðar í leikjum út tímabilið.
Boltinn byrjar að rúlla aftur í ensku úrvalsdeildinni 17. júní eftir hlé vegna kórónaveirunnar.
Boltinn byrjar að rúlla aftur í ensku úrvalsdeildinni 17. júní eftir hlé vegna kórónaveirunnar.
Leikið verður þétt í deildinni út júní og júlí til að klára tímabilið.
Til að félög ráði betur við leikjaálagið hefur skiptingum nú verið fjölgað í fimm líkt og í mörgum öðrum deildum í Evrópu.
Sextán félög í deildinni kusu með því að fjölga skiptingum en fjögur voru mótfallin.
Einnig var samþykkt að leyfa níu leikmenn á varamannabekknum í staðinn fyrir sjö áður.
Fimm skiptingar verða einnig leyfilegar í leikjum á Íslandsmótinu í sumar.
Athugasemdir