Fótbolti.net

Hólmar Örn: Maður þurfti aðeins að hrista það af sér

Magnús Már: Margt jákvætt í frammistöðunni en niðurstaðan súr

Sölvi Geir: Vonandi er búið að losna um tómatsósuna hjá honum

Túfa: Þvílík endurkoma eftir að hafa verið með bakið uppvið vegg

Oliver Ekroth: Allir leikir eins og úrslitaleikir

Davíð Smári: Okkar versti leikur

Örvar Eggerts: Gott að spila illa og vinna

Jökull: Ætlum okkur meira - Erum ekki að horfa í fjórða eða þriðja sætið

Óskar hefur engar áhyggjur: „Annað liðið skokkaði tvisvar upp í hornspyrnur og skoraði“

Kjartan Kári: Lengi á æfingavellinum að taka aukaspyrnur

Láki: Fullt af hlutum sem við vorum ósáttir við dómgæsluna

Heimir Guðjóns: Kjartan Kári bjargaði okkur

Birgir Baldvins: Þetta er mitt mark!

Haddi: Það er gott jafnvægi í hópnum

Rúnar Kristins: Við erum í fallbaráttu og menn verða að gera sér grein fyrir því

Átti sinn besta leik til þessa gegn gömlu félögunum - „Ótrúleg stemning"

Njarðvíkingar féllu á prófinu - „Eitthvað sem hann þarf að læra"

Magnaður dagur í Þorpinu - „Tímamótadæmi að fá svona stuðning"

Alli Jó: Algjörlega á okkur að ná í úrslit og vinna fótboltaleiki

Halli: Þetta gæti endað á að snúast um markatölu

þri 04. júní 2024 16:05

Elvar Geir Magnússon
London

Orri Steinn setur „lætin“ til hliðar: Best að vera í minni búbblu

Orri á æfingu Íslands í dag.

Mynd: Fótbolti.net - Hafliði Breiðfjörð

Orri Steinn Óskarsson er gríðarlega spennandi sóknarmaður. Hann er í öðru sæti yfir þá táninga sem skoruðu flest mörk á tímabilinu í Evrópufótboltanum.

Þessi nítján ára leikmaður er að koma úr gríðarlega lærdómsríku tímabili hjá FC Kaupmannahöfn í Danmörku. Það voru góðir kaflar og erfiðir en hann endaði tímabilið feikilega vel.

04.06.2024 14:42

Orri tæpur fyrir leikinn gegn Englandi - „Fékk smá högg“

„Mjög sáttur persónulega, þó endirinn hjá liðinu hafi ekki verið jákvæður. Tímabilið hjá mér hefur verið upp og niður, stundum er brekka og stundum hefur þetta lítið fáránlega vel út. Svona er þetta í fótboltanum, maður veit aldrei hvað gerist. Maður reynir bara að gera sitt besta á hverjum degi," segir Orri sem tók inn gríðarlega mikið í reynslubankann.

„Þetta var bara frábært, þetta var fyrsta heila tímabilið mitt á svona háu stigi í fótbolta. Maður getur tekið fullt úr þessu. Sérstaklega allt mótlætið sem maður lenti á. Það gerir mann bara sterkari fyrir vikið. Á endakaflanum sýndi ég hvað býr í mér."

Hjá liðinu sjálfu er krafan alltaf að lyfta bikurunum sem eru í boði í Danmörku en sú varð ekki raunin þetta tímabilið. Liðið hafnaði í þriðja sæti.

„Maður gat alveg fundið að menn voru ekki sáttir. Við gerðum það besta úr vondri stöðu með því að tryggja okkur í Evrópukeppni."

Orri er á radarnum hjá mörgum stórum félögum í Evrópu og um daginn var hann orðaður við Atalanta, ítalska félagið sem vann Evrópudeildina. Orri segist þó ekki vera mikið að hugsa um þessa hluti og býst á þessari stundu við því að vera áfram í Danmörku.

„Það er frábært að fá klapp á öxlina en ég reyni bara að einbeita mér að fótboltanum og setja lætin til hliðar. Mér líður best þegar ég er í minni búbblu og get notið þess að spila fótbolta."

„Ég er með fullt af góðu fólki í kringum mig sem sér um þessa hluti. Mér líður mjög vel í FCK og þeir hafa sýnt mér mikið traust upp á síðkastið. Ef það heldur áfram hef ég enga ástæðu til að fara," segir Orri en viðtalið má sjá í heild í sjónvarpinu hér að ofan.