Ari Sigurpálsson, hetja Víkinga.
„Mér líður mjög vel. Þetta er náttúrulega fyrsti leikurinn, það er vika í næsta leik þannig við þurfum að koma með sama fókus í næsta leik" sagði hetjan Ari Sigurpálsson eftir leik í kvöld þegar Víkingur vann Lech Poznan með einu marki gegn engu og fara út til Póllands með 1-0 forskot.
Ari Sigurpálsson var spurður út í liðframmistöðu liðsins í kvöld og segir hann að liðið geti spilað betur.
„Erfitt að segja, þeir voru náttúrulega meira með boltann en mér fannst við eiginlega vera gera meira með boltann þegar við vorum með hann. Við getum spilað betur fannst mér, vorum kannski smá sloppý og ég líka. Ég var að koma mér góðar stöður í fyrri hálfleik og sloppý sendingar inn í teig og eitthvað þannig en það er bara geggjað því þá getum við bætt eitthvað."
Ari Sigurpálsson var spurður hvað Víkingar þurfi að gera til að klára þetta einvígi úti þegar liðin mætast í seinni leik sínum í þriðju umferð Sambandsdeildarinnar.
„Við þurfum að spila 90 mínútur, spila vel og halda sama fókus. Númer eitt,tvö og þrjú er að vera með fókus og þá klárum við þessa gæja."
Athugasemdir
